Nalzaro: ‘Vigilantes’ sa Lapu-Lapu?

SUKAD niadtong buwan sa Pebrero hangtod karon, miabot na ngadto sa 15 ka mga pagpamatay ang nahitabo sa dakbayan sa La­pu-Lapu. Niadto lang miaging adlaw, duha ang gipatay nga gintang lang og duha ka oras. Unya ang kadaghanan sa mga gipamatay mga tawo nga nahilambigit sa illegal nga drugas. Ang prominente nga gipatay mao kadto si kanhi Agus barangay captain Remegio ‘Bo’ Oyao, kinsa gitumbok nga usa ka ‘dakong isda’ sa negosyo sa illegal nga drugas. Apan matod pa sa kapulisan ang ang pagpatay ni Oyao kao kalambigitan sa iyang negosyo nga construction.

Unya adunay pattern ang pagpamatay kay ang mga mamumuno mga motorcycle riding in tandem. Mga nag-bonnet o nagmaskara. Ang ka­­­­sa­garan sa mga gipatay mga surrende­rers sa Operation Tok­hang o kadtong adunay kaso sa drugas. Naalarma na si Mayor Paz Radaza niining serye sa mga pagpamatay.

Aduna bay naglihok nga ‘vigilantes’ diha sa Lapu-Lapu City? Akong gipalutaw kining maong pangutana nunot niining serye sa mga pagpamatay diin ang kadaghanan sa mga biktima nahilambigit sa illegal nga drugas. ‘Government sponsored’ kaha kining maong kalihukan? Ang buot nakong ipasabot nga ang kapulisan maoy nag-mastermind niini o extra judicial killings.

Apan kon ang kapulisan ang imong pangutan-on, mo-ingon sila nga nag-unay-unay lang kining mga durigista. Kay ang uban mo-tambling man o magbinoang sa ilang pag-deal og drugas. Ang ubang pushers dili mobayad sa drugas nga ilang gi-angkat. Ang uban tawas maoy ihatag o ang ibayad bodol-bodol money. Aw, posible sab na.

Pero ayaw kog ingna nga nag-unay kining mga durugista. Daghan naman kaayo god ang mga pagpamatay. Un­ya ang uban dili na aktibo sa illegal nga kalihukan kay mi­su­render naman. Aw, wala hi­nu­on kita masayod pod kon mo­­balik ba sa kanhi nila kalihukan. Nagduda lang gyod. Niad­tong 2000, misiaw ang vigilantes dinhi sa dakbayan sa Sugbo diin mo­kabat sa usa ka 100 kapin ang nahimong biktima kadagha­nan adunay criminal records. Gisagop kaha ni diha sa Lapu-Lapu? Just asking.

(bobbygnalzaro@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph