HUMAN nagdrama si Kim Chiu sa teleseryeng “Ikaw lang ang iibigin” ug nanghadlok sa “Ghost Bride,” karon komedi na sab ang idalit niya sa iyang fans.
Dili naman sab bag-o kang Kim ang magpakatawa, nakita nato siya sa mga romantic-comedy films ug daghang nalingaw niya. Laing offering kini sa Star Cinema sa direksyon ni Tony Reyes.
Sa unang higayon, makapartner ni Kim ang Koreanong si Ryan Bang. Matud ni Kim nga uso ug sikat karon ang mga Korean heartthrob ug usa na niini ang iyang bag-ong leading man nga produkto sa PBB.
Malipayon ug mapasalamaton si Ryan Bang, dili lang sa dagan sa iyang career lakip na usab ang pagkapartner niya sa dalaga. Makauban sad nila dinhi si Lassy Marquez, Moi Bien ug Pepe Herrera nga siguradong riot gyud sa komedi ang pelikula nga bahin sa friendship, heartaches, kalipay ug kasakit. Ay’g saba!
Namatay na ang karakter ni Maxine Medina sa teleseryeng “Hanggang Saan.” Dili man sab tingali dire ra kutob ang iyang career kay bisan bag-o pa lang siya sa showbiz, napamatud-an sab sa dalaga nga may ikabuga siya sa pag-arti.
Mao nga karon pa lang naseguro na nako nga makita pa nato og usab ang beauty queen kay duna nay mga nakalinyang proyekto kang Maxine Medina, ay’g saba!
Ari ta sa laing beauty queen nga si Pia Wurtzbach, kinsa gidayeg karon sa iyang pelikulang “My Perfect You,” mao nga sobrang malipayon nila karon sa iyang leading man Gerald Anderson. Makalingaw ug alegre ang pelikula ug saludo na gyud ko ni Direk Cathy Garcia Molina kay napa-arte gyud niya dinhi ang Pia. Ang “My Perfect You” salida na karon sa mga sinehan, ay’g saba!