Espinoza: Mahurot og kiha ang LP senators

UNSA na ni? Mao ni reaksyon sa akong amigo sa iyang text message na ko sa paggawas sa balita nga si Janet Napoles gipagawas sa prisohan ug ipaubos sa witness protection program (WPP) kay himuon nga testigo sa kaso nga plunder, nga usa man unta siya sa mga sinumbong.

Si Napoles maoy giingon nga mastermind sa P10 bilyones nga PDAF scam nga maoy hinungdan sa pagkiha ug pagkapriso nila ni kanhi senador Juan Ponce Enrile, Sen. Jinggoy Estrada ug Sen. Bong Revilla.

Si Enrile nakagawas sa prisohan sa giingon nga humanitarian reason tungod sa iyang edad nga kapin 90 anyos na siya. Apan di mo mahibung nga miboluntaryo siya nga private prosecutor sa impeachment hearing unya ni Chief Justice Maria Lourdes Sereno?

Ang akong amigo concerned sa atong Presidente kay, matod pa niya, napuno na sa atake tungod sa palpak sa DOJ nga gi-abswelto ang drug lord nga si Kerwin Espinosa ug uban pa ug ni kaniadto Customs Commissioner Nicanor Faeldon sa sa pagsulod sa P64 bilyunes nga shabu gikan sa Tsina.

Gipagawas ni DOJ Secretary Vitaliano Aguirre II si Napoles aron mahimong state witness. Daghan ang nahingangha kay ang plunder nga kaso batok sa tulo ka senador naa na sa Sandiganbayan ug ang nagprosecute niini ang Ombudsman. Ang dunay katungod sa paggamit ni Napoles nga testigo ang Ombudsman ra. Apan ubos sa administrasyon ni Duterte, si Aguirre bisan pa sa iyang mga palpak poderoso gihapon.

Basi sa Section 10, RA 6981 kon ang balaod sa witness protection program usa sa mga rekisitos nga ang usa ka akusado mahimong testigo sa kagamhanan mao nga di mogawas nga mas sad-an siya kay sa uban akusado.

Matod pa sa abogado ni Napoles ang kliyente dili “most guilty” sa PDAF scam mao nga duna siyay katungod sa witness protection program ug mahimo nga state witness.

Dakong kahadlok ang giabot sa mga testigos nang daan batok ni Napoles ug sa tulo ka senador nga mahimo nga testigo si Napoles. Si Benhur Luy, nga parente ni Napoles nga mipiyaet sa iyang raket mahug na ron nga makaloluoy.

Apan daghan ang nagtuo nga gawas nga maabswelto unya ang tulo ka senador nga nag-atubang og plunder nga kaso lakip na si Napoles dunay lain kaso nga giplanohan si Secretary Aguirre nga ipasaka batok sa uban mga pulitiko nga kaalyado ni kaniadto Presidente Noynoy Aquino nga nahilambigit ni Napoles.

Morag mahurot og kiha ang mga pulitiko nga sakop sa pundok ni PNoy nga Liberal Party sama nila ni Sen. Franklin Drilon ug uban pa nga mga senador ug kongresista. Kadtong mga kongresista nga milayat sa PDP-Laban apan nahilambigit ni Napoles madismis na unya ang ilang kaso. Mao ni giingon nga change is coming?
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph