Northern Mindanao dili apektado sa transport strike

NORMAL gihapon ang dagan sa trapiko, padayon ang klase ug trabaho sa pribado ug publikong buhatan taliwala gilusad ang nationwide transport strike kagahapong adlawa.

Una na gipasabot ni Ringo Lago kinsa Secretary General sa Solidarity of Transport Alliance in Northern Mindanao (STAREX-PISTON) nga usa ka welga lamang ilang gipahigayon sa CM Recto nga bahin.

Kini subay gihapon sa ilang hangyo nga wagtangon ang plano sa gobyerno nga i-phase out ang mga pampasaherong sakyanan tungod kay dugang problema ug pas-anon kini sa mga driver ug operator.

Matud ni Lago nga ang strike pagpaabot sa Administrasyon ni Presidente Rodrigo Duterte nga wala sila nahimout sa giplano niini.

"Among ipakita sa gobyernong Duterte ang kasuko ug sentimento sa pagbatok sa ginapamugos niining corporate ‘MURDERnization’ nga moresulta sa pag-phase out sa tanang nakaraang dyip," sigon ni Lago ug nipasabot pa nga kon hulipan kini sa electronic nga jeep mas makabenipisyo niini ang mga langyawng negosyante.

Kagahapon adunay pipila ka mga dyip nga wala namasayro ug gisuportahan ang transport strike apan daghan ang namasayro kay ilang rason mao lang ilang panginguhaan sa adlaw-adlaw.

Aduna sab unom ka mga sakyanan ug bus ang gitanyag kagahapon sa Land Transportation Franchising and Regulatory Board (LTFRB)-Northern Mindanao alang niadtong mga na stranded.

Ang tunghaan sab sa dakbayan sa Cagayan de Oro padayon ang normal ang klase.

Gibutyag ni Dr. Rosallo Vitorillo kinsa School Governance Operation Chief sa Department of Education-Northern Mindanao nga ilang ikonsidera ang mga tinun-an nga apektado sa transport strike kagahapon apan sutaon kadtong absent nga dili apektado sa transport strike.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph