Dear Atty. Joan,
Ako si Diwata. Niadtong tuig 2015, nagkarelasyon ako og usa ka lalaki nagpangalan og 'Arnel.' Ug tungod sa among relasyon, namabdos ko. Apan dili ilhon ni Arnel ang among anak nga ako gimabdos mao nga nagbuwag mi.
Gipadayon ang akong pagbuntis hangtud nga nanganak na ako. Karon kay nagkasakit man ko, di na ko kaya na ako ra usa magpadako sa ako anak. Unsa man ako angay buhaton na dili man ilhon ni Arnel ang among anak?
Tabangi ko palihog.
Diwata
Dear Diwata,
Tungod kay amahan si Arnel, obligado siya mohatag og supporta sa inyong anak. Hangyuon si Arnel nga motuman sa iyang obligasyon isip amahan.
Kung dili madala, maghatag ug demand letter para naay suwat nga kamatuoran sa pagsingil. Ug kung dili pa makahatag, pwede mapasakaan og kaso si Arnel para munghatag sa suporta para sa imo anak.
Tungod wala man giila ni Arnel ang inyo anak, pwede ka mangayo sa korte og order para ipa-DNA testing si Arnel ug ang imong anak.
Gibalikbalik na sa atong Korte Suprema na and DNA testing usa ka malig-on nga pamaagi sa pagpamatuod kung siya ba ang amahan sa imong anak.
Atty. Joan
Children's Legal Bureau (CLB)
Pahibalo: Kini opinyon lamang nga nag-base sa inyong lakbit-saysay ug kini pwede nga mausab kun dugang pa nga mapatin-awan ang mga detalye. Kon adunay pa kamoy mga pangutana nga adunay kalabutan sa katungod sa mga bata, mahimo kamong mokontk sa hotline 0908-896-0355.