MABULAHAN ang Sugbo ug ang mga lumolupyo niini kon way babag sa pagmina sa Lana ug gas sa lungsod sa Algeria.
Tiaw moy, gatusan ka milyon ang ma-produce nga lana. Ug kini dakong tabang sa problema sa kakuwang sa supply ug ang kamahal niini.
Kon proseso himuon dinhi sa Sugbo ug di na kinahanglan nga dad-on sa nasud sa China , di ba kaha daghan ang makatrabaho niini?
Kon moasenso ang panudlanan sa lungsod sa Alegria, apil ang Kapitolyo sa Sugbo ug makatabang kini sa way mga trabaho.
Gani, si Cebu Governor Hilarion Davide III namahayag nga ang provincial government sa oil extraction plan sa maong lungsod.
Kini human mipirma og usa ka joint declaration kauban ang China International Mining Petrolium Company ug ang Department of Energy sa drilling as duha ka oil wells.
Sa Algeria lang kana nadiskobrihan ang gas ug lana. Sa laing bahin, unsa na kaha kaabunda sa lana, gas, bulawan ug minerales ang West Philippine sea nga gikontrolar na karon sa China?
Riding-in-tandem
Dagko na og suweldo ang atong kapulisan. Doblehon sab unta ang ilang trabaho karon nga nadoble na ang ilang gidawat nga suweldo.
Nakita man gud nato ang kahinay sa trabaho sa kapulisan sa pagsulbad sa kaso sa patay nga ang responsabli ang riding-in-tandem.
Karon lang buwan sa Marso, dunay kaso sa pagpatay sa mga pulis. Pagpatay ni Bise Mayor Jonah John Ungab, Konsehal Alexander Alicaway sa lungsod sa San Fernando, mga barangay opisyal ug sibilyan.
Nganong hinay man pagsulbad sa kapulisan ug di man nila mababagan pinaagi sa pag-alkontra sa mga kriminal?
Kong kuwang ang pwersa sa atong kapulisan, atong masulti nga hinanggaw ang paghatag og dobleng suweldo. Pag-umento lang unta sa sohulan ang gipatuman.
Ang kadaghan sa kapulisan sa kadalaann pinaagi sa foot patrol ug magpatrolyang kapulisan ginamit ang motorsiklo ug ilang service vehicle dakong tabang sa pagpana gana sa riding in tandem ug uban pang kriminal.
Magpaabot ta daghan pang kaso sa patay nga binuhatan sa riding in tandem. Kay wa may konkreto programa ang kapulisan alang sa pagbatok niini.
Suwerte lang si Inspector Edwin Sarcon sa Bureau of Jail Management and Penology (BJMP) wa ma-intimano sa dihang gi ambusan sa riding in tandem sa adlaw dako sa sentro pa gyud sa siyudad sa Sugbo.
Pulis di mo mauwaw sa kadakog suweldo wa kamo makapakita og maayong trabaho!
(Email: efrenlomzon77@gmail.com)