Mayor Sara: Paghikog lang

WALA mibabag si Davao City Mayor Sara Duterte-Carpio sa planong pagpakamatay sa amahan nga misunog sa iyang 3-anyos nga anak niadtong Dominggo sa Malagamot, Barangay Panacan, Davao City.

Kini ang pamahayag sa Mayor human nasayran nga misulay og hikog sud sa Sasa Police Station ang suspek nga si Randy Cadiente.

Ang Mayor daan nang napungot sa suspek human iyang nasayran ang nahitabo sa bata niadtong Dominggo.

"Nag-express man daw ang papa nga magpakamatay nalang daw siya, so ang akong instructions kung unsay gusto sa papa, mao nay sundon nato," ingon sa Mayor sa ambush interview sa mga tigbalita didto sa RDR Gym sa Tagum City kagahapon.

Nasubo sab ang Mayor sa nahitabo gumikan wala man lang nakasumbong nga mga silingan ngadto sa barangay.

Tungod niini, subling nanawagan ang Mayor nga kung dunay masayran nga pagpangdagmal sa kabataan, isumbong dayon sa otoridad ug motawag sa Kean Gabriel hotline sa 0908-818-4444.

"Kung naay ingon ani nga hitabo, kanang ginadagmalan ang bata, tawag dayon sa atong Kean Gabriel hotline aron wala nay susama niini nga mahitabo," dugang sa Mayor.

Nagpasalig sab ang mayor nga abagahon ang pagpalubong sa bata ug madunolan og pinansyal assistance ang mga nahibilin sa bata aron mapahaluna kini og maayo diha sa lamay.

Kagahapong adlawa, gidala ang patay nga lawas sa bata didto sa lugar sa iyang inahan sa Malungon Gamay, Sarangani Province.

Una niini, gibutyag sa suspek nga iyang nahimo ang pagsunog sa iyang anak human siya mapungot sa nahitabong pagbulag nila sa iyang asawa duha na ka tuig ang milabay.

Sa bahin sa asawa nga si Gerlyn (bansagon iyang gipatago) nga dako ang iyang pagmahay sa iyang kaugalingon.

"Dako kaayo akong pagmahay sangko sa langit. Makigpatay man god siya sa una, dalhon gayud daw niya ang bata kay anak gayud daw niya. Ginabira pa niya akong buhok, hana-hanaan pako niya og sundang," saysay ni Gerlyn nga eksklusibong nahinabi sa TV Patrol Southern Mindanao niadtong Martes.

Kagahapon, gipasaka na sa Sasa Police Station ang kasong Parricide batok sa nahisgutang suspek. (JPC)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph