Gamay’g grado; titser gisulong

NAKATAKDANG mopagawas og pamahayag karong adlawa ang Ateneo de Davao University (ADDU) labot sa alegasyon nga dunay usa ka ginikanan nga misulod sa Jacinto Campus, dayon gibaharan ang usa ka magtutudlo.

Giingong masakit nga pulong ang gibungat ug nagbahad pa ang ginikanan sanglit gamay kaayo ang grado nga gihatag ngadto sa iyang anak.

Migula ang maong balita Martes sa gabii human usa ka magtutudlo sa maong tunghaan ang nagpadayag sa iyang gibati sa Twitter dihang iyang nasayran ang nahitabo sa iyang kauban nga magtutudlo.

Sa istorya nga napatik sa Rappler.com, gisaysay niini nga gi-delete ra sab dayon sa magtutudlo ang iyang post apan duna gihapoy samang post niini nga naka-public sa iyang Facebook account.

"Parents should never verbally abuse nor threaten teachers especially with a gun. We are willing to die for the grades we give our students!" post sa Facebook sa usa ka magtutudlo sa maong tunghaan.

Si Judith Dalagan, ADDU Faculty Union president ug OIC director sa AdDU Language Center, gitawgan sa Sun.Star Davao kagahapon, apan di kini makontak sa duha niya ka mga numero.

Apan sa istorya nga napatik sa Rappler.com, gilayong gikompirma ni Dalagan ang maong hitabo sud sa campus.

Alas 4:30 sa hapon kagahapon, usa sa mga tagdumala sa maong tunghaan mi-chat sa Sun.Star Davao, kinsa nagkanayon nga karong adlawa pa sila mohatag og opisyal nga pamahayag human sa ilang gihimo nga imbestigasyon.

"We will issue statement tomorrow after the investigation and fact finding today (March 21)," pamayahag sa tunghaan.

Suma ni Chief Inspector Nolan Raquid, hepe sa Sta. Ana Police Station, ilang na-blotter ang maong hitabo subay sa pagpa-blotter sa security chief officer sa maong tunghaan.

"Yes na blotter nato diri ang maong insidente, pero walay nahitabo nga dunay baril nga nakasulod sa campus ug walay baril nga gition sa teacher," sulti ni Raquid nga mitawag sa SuperBalita pinaagi

sa telepono kagahapon.

Karong adlawa, ipagula sa ADDU ang resulta sa ilang inisyal nga imbestigasyon sa maong hitabo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph