Dear Noy kulas,
Tawga lang ko sa ngan nga Mon, usa ka college sudent diri ra sa Cebu. Akong problema, Noy, parte ni sa akoang pamati sa akong lawas. Naa koy scoliosis. Nagpa check up ko ani with my parents mga 3 years ago. Then nagpa brace ko. Akong giundangan kay nag 18 na ko kay niingon sila nga di na daw magtubo ang among bukog ana.
Unya naay ka usa nisakit ni og maayo unya maglisod kog ginhawa usahay. Gipa check up namo og balik unya nag-advice nga magpa surgery ko. Okay ra nako, Noy, para mawala na ni akong gibati pero against akong parents kay mahadlok sila basin di ma succesful ang surgery. So, wa na lang ko, pero deep inside, ganahan kaayo ko kay hangtod karon nisamot na og ka sakit unya kutason na kaayo ko unya maglisod na kog gihawa.
Ako lang, Noy,mag suffer na lang ko aning gibati nako for the sake sa akoang parents nga mahadlok sila mawala ko or mo suggest ko nila nga magpa-surgery nalang ko. Please tambangi ko, Noy. Salamat.
MON
Mon,
Estoryahe ang imong parents sa nagkalisod nimong kahimtang aron mo-reconsider sila sa ilang desisyon nga magpa opera ka. Basin mausab pa ang ilang stand parte sa surgery kay sa imong itago nila nga nagkalisod ka na og ginhawa tungod nianang sakita.
Mas maayo nga mokuha mo og laing opinion sa laing doktor aron matino kon unsa na gyud ang status sa imong sakit. Basin pa diay wa kinahanglana ang surgery ning higayuna. Kay naa may higayon nga managlahi ang opinion sa mga doktor. Balido usab ang kabalaka sa imong parents kay basin tuod, dunay di maayong resulta kon idayon ang surgery.
Communicate sa imong parents kon unsay imong na-feel. Kahibawo ko nga nagpanagana ka tungod sa ilang giingon nga worry. Mas ma worry sila kon masayod sila nga nagkalisod ka sa imong kahimtang karon. Tell them ini.
NOY KULAS
Alang sa imong problema, e-mail sa kulassuper@sunstar.com.ph ug rojval69@yahoo.com