DILI sa ingon nga walay kabangga-an ang mga nagdumala karon sa Regional Development Council (RDC 7). Kini sukwahi sa pamahayag sa ‘kanhi laos nga pulitiko’. Aduna na silay nga kapabilidad og kabangga-agan gumikan kay malampuson man sila sa ilang tagsa-tagsa ka mga patigayon.
Si RDC 7 co-chairman, Kenneth Cobonpue, na-ila sa tibuok kalibutan isip furniture designer. Gani ang iyang mga kustomer mga inila man nga mga Hollywood personalities. Samtang si Glenn Soco nga maoy chairman sa infrastruture development committe (IDC) malampuson sa iyang coffee business. Aduna silay kabangga-agan. Apan mao na silay klase sa mga tawo nga ilitista. Kana bang anaa sa alta-sa siyudad. Walay pagbati sa mga kabus kay mga adunahan man sila.
Nabutang sila nianang maong posisyon karon kay rekomendado man sila sa ilang suod nga higala ug klasmet nga adunay koneksiyon sa Malakanyang. Gamay nga honorarium ra ang ilang gidawat diha. Apan naa nanglingkod sila aron gamiton ang ilang implewensiya ug gahum. Ayaw mog tuo ana nga naa sila diha gumikan kay public service ang ilang tumong. Public service sa ilang kagaral.
Wala nila aprobahi ang ubang mga proyekto gumikan kay maigo man ang mga properdad sa ilang mga higala. Sama anang pagatukuron nga UN depressed structure diha sa Mandaue City. Gisupak kana nila kay ang properdad sa ilang higala kanang hospital maapektuhan. Klasmet man si Cobonpue ug ang tag-iya ana uban nila ni Presidential Assistant for the Visayas Michael Dino. Unya tarung na nimo?
Kanang ilang pagbabag sa mga proyekto ni Kong. Raul Del Mar pamulitika pod na kay si Del Mar ug ang ‘kanhi laos nga pulitiko’ kaalyado man. Kontra man si Dino ug kining ‘kanhi laos nga pulitiko’. Kon kining klaseha sa mga tawo maoy modumala diha diin gigamit ang ilang personal nga interes ug nagpagawong sila sa ilang amo, maayo pay mang-resign na sila diha. Wala ta magkinahanglan nianang klasiha sa mga tawo. (bobbygnalzaro@gmail.com)