Ama a Mannakabalin..iti daytoy a Semana Santa wenno Nangina Nga Aldawuiturongnakami a mayadayo kadagiti sulisog nga impakat ken iyap-appan ti demonyo ditoy rabaw ti daga. Kunada: uray kano iti sirok ti daga, amangan ta namsek met kadagiti pannulisog. Ngem apay a nakunatayo dagitoy? Intay pirsapirsayen nga ibinsabinsa, pards:
-o0o-
Manipud Ash Wednesday a pananglukat ti Semana Santa agingga iti pannakaisursurat daytoy nga espasyounagkakawil dagiti paspasamak a mabalin a kunaen a kayariganna ti mantsa iti intay koma panagngilin. No kaano a kunada a Fire Prevention Monthuisu met nga arig aggigiddan dagiti uram iti nadumadauma a paset ti pagilian. Adu ti naawanan ti taeng ken sanikua. Adda dagiti nagbuis iti biag ken nasugatan. Ti kaudian ket ti napasamak a pannakauram ti maysa a Hotel-Casino (kukua kano ti Pagcor) a nakatayan ti ennem. Kuna dagiti manamati: mabalin a nangted iti leksiyon ti Apo gapu ta ti lugar ket sugalan. Adda adal dita nangruna ta angilngilintayo manen para iti lagiptayo iti panagtutuok ni Apo Hesus itoy a panawen agingga iti mailansa iti Krus sadiay Mt. Calvary tapno inna laeng subboten ti basol ti sangka-taowan. Sapay koma ta ti adal iti uram iti dayta a Casino-Hotel ket dinto kalipatan.
-o0o-
Itay laeng nabiitu.maysa a trahedya pay ti napasamak sadiay Sablayan, Occidental Mindoro. Maysa a bus ti Dimple Star ti natnag iti maysa a rangkis a nakatayan ti 19 ken nakasugatan ti 21. Kuna ti LTFRBuadda nagkurangan ti nakuna a kompanya ket rumbeng laeng a sungbatanda ti danyos ti pasamak. Innayon pay ti LTFRB nga addan lima nga aksidente ti nakairamanan ti Dimple Star iti kallabes laeng a bulbulan. Nangyulogen ti ahensiya iti pannusa a suspensiyon nupay manarimaan pay ti kanayonan nga imbestigasyon. Tsk tskunia ketdin a pannakairanrana. Agngilngilinen dagiti dadduma a kailiantayo ita a nangina nga aldaw ngem adda met gumidgiddan a didigra. Kuna manen dagiti manamati: pannubok ken leksiyon manen ti kayat nga iparikna ti Apo tapno makitatayo dagiti naglabsingan ken naagkurkurangan ti tao.
-o0o-
Itay met laeng nabiitumaysa a bassit nga eroplano ti natnag iti maysa a balay iti Region 3. Sangapulo ti natay. Ti nakas-ang ditaugistay naibus ti maysa a pamilya (Dela Rosa) ta ti laeng ama ken dua nga anakna ti natda. Pimmusay dita ti inana, asawana ken tallo nga annakna. Pimmusay met dagiti laon ti eroplano. Nasakit nga adal iti biag. Kunadauditay ammo no kaano a sumangbay dagita a pannubok ti biag. Rumbeng ngarud a saganaan ti aniaman a naitani kadatayo nga uged ti pannakaiparsua ditoy lubong. Ti laeng Apo a Namarsua ti makaammo no sadino ti panungpalan ti tunggal naparsua. Masapul a sanguen ken akuentayo dagita a katukad ti impautangna a biag. Ti intay pannakipagrikna.
-o0o-
Iti sabali a bennegu.no adda man ladingit wenno trahedya kagiti naiparangtayo iti ngatounaidumduma met a lua ti nagari iti nagkadua a pasken: Umuna ket ti lua ni rag-o wenno ragsak ti gimluong iti barukong dagiti nagannak, kabagyan, ken gagayyem dagiti naggraduar itay nabiit dita PMA (Phil. Military Academy). Mismo a ni Pres. Duterte ti nangabrasa kadagiti baro a 2nd Lieutenants ti AFP nangruna iti Valedictorian a nadiayaan pay iti House and Lot ken dadduma pay a pammadayaw. Kudos met kadagiti taga-Cordillera a nakastrek iti top 10 ken kadagiti nagturpos. Kasta met laeng ti rag-o ken abrasa ti napasamak a graduasyon ti PNPA (Phil. National Police Academy) a saan met a nagpaudi dagiti taga-Cordillera. Adda dagiti kadetetayo ti simrek iti Top 10. Kudos! Ngem adda dagiti makabang-ar rikna a pagteng iti nagkadua a panagturpos. Daytoy ti panagdenna, este, panagsarak da Pres. Digong ken Vice Pres. Leni Robredo. Makabang-ar ti inniseman dagiti dua. Arasaas: kasta koma a kanayon tapno awan ti tension. Ay ket aguraytayo manen iti sumaruno a graduation, he he.
-o0o-
Intay sublian dagiti makapasidduker nga eksena iti uneg ti sakup ti semana. Plano a pannakaiserra ti Boracay gapu ta adu kano ti linabsingna a paglintegan kuna ti DENR, DILG ken dadduma pay a concerned agencies. Adda nagkuna a rumbeng kano a maiserra ti Boracay iti uneg ti makatawen tapno maipakat ti rehabilitasyon ti resort island. Kuna met idi ni Pres. Digong nga uray kano ennem laengen a bulan. No mapasamak dagita a plano, adu dagiti parikut nga inda resolbaren. Umuna l turismo. Sabagay, kunada..uray maiserra ti Boracayuadu pay dagiti resorts a mabalin a pagturongan dagiti turista. Gapu iti panagsardeng ti operasyon dagiti negosyo iti nakuna a dissoukaawatan nga adu nga empleados ti maawanan iti panggedan. Ngem adu ti agkuna a dakkel ti nagkurangan ti local a gobyerno ti isla iti napasamak dita Boracay. Rumbeng nga adda sungbatan dagitoy nga asunto, saan kadi? Ngem ti angpepnaunaibutaktak nga adu pay dagiti tourist destinations (beaches/resorts) ti adult naglabsinganda iti waste disposal, business permits, allagaden iti panagipasdek iti negosyo iti igid dagiti baybay. Saan a nakaligtas dagiti resorts dita Palawan ken uray pay iti nasurok duapulo a beach resorts iti Davao area. Imbag laketdin ta awan nasiripda ditoy Norte. Ngem ti kadagsenan iti kaudian nga exposÚ ket ti report a nakarkaro pay nga adayo ti parikut iti sewer iti NCR ngem sadiay Boracay. Kadagiti saan pay a nalawagan iti daytoy a parikut adtoy ti ababa a pakabuklanna: ti rugit dagita a resorts (ken residentials/negosyo) ket agtintinag a mismo-deretso idiay baybay a pagdigdigusantayo. Pwe! Rumbeng ngarud a maresolbar!
-o0o-
Lunes Santo itanuket ditay koma kayat ti agtabbaaw. Kayattayo koma ti naulimek a ngilin tapno umasideg pay ti rikna ken pammatitayo kenni Apo. Ngem por Diyos por Santou.kasano a dika maspalan ken agtanabutob iti napasamak idiay Makati itay nabiit. Sus Maryunes! Agasem..iti tengnga ti business district ti nagdakkel a siyudad ket adda nagal-allia iti Led Screen ti maysa a pasdek. Kasla kimat a naisingit ken nabuya dagiti adda sadiay ti bold scene iti nakuna nga screen. No bold kunamuay ket tay ngay paborito daydi lolok nga X-rated. Nia metten a kinakuog ken kina-demonyo ti akin-aramid dita. Nagtitinnudodan iti gimluong ti imbestigasyon. Na-hack kano. Kasano a nakalusot? Imbag ketdi ta awan nadisgrasya iti kellaat a nabuyada iti dakkel a LED screen dagiti agkikinnabayo ken lamolamo nga adan ken eva. Mangibabain! Rumbeng a mapatawan koma iti umno a dusa dagiti adda iti likud ti eksena. Kuna dagiti manamati, uray ti kararua siguro ni lolok: masapul masapsaplit dagita nga animal, este Lucifer agingga iti mailansada iti krus tapno subbotenda ti bukodda a biddut ken basol. Ngem insilpo ni lolok: idi panawenmi, ukkisanmi ti sakada saminto ida patarayen iti nakabilag a bukel ti balatong nga adda asinna tapno mapadsoda, idiayminto idan a pakuton aginggalt maudi a sung-ab dagiti diaske. Apologiya apoudikam agung-ungetu.agngarngarietkami laeng! Adios mi amor, ciao, mabalos.