NABALAKA na ang mga magpapatigayon ug ang mga lokal nga opisyales sa nagkadaghan nga mga kaso sa pagpatay dinhi sa Sugbo. Lakip niini sila si Cebu Vice Gov. Agnes Magpale ug si Cebu City Mayor Tomas Osmena. Matod pa ni Magpale ang mga kaso sa pagpatay wa na ma-focus sa nga suspectsado sa illegal nga drugas.
Naglakip matod ni Magpale sa mga kaso sa pagpatay ang kang manlalaban ug Ronda Vice Mayor Jonnah John Ungab ug San Fernando Councilor Alexander Alicaway, kanhi Talisay City councilor Emilio Go, PO2 Romeo Bolano, SPO1 Ben Serohijos ug sa Koreanong negusyante nga si Shang Ho Lee.
Ang kadaghanan sa mga pagpatay nga niabot nag kapin sa 40 sukad niadtong Pbrero 17 nagpabilin nga wa masulbad. Kinsa man kaha amg isunod, matod pa sa bise gobernador. Gani, kalit lang mitumaw kadtong tarpaulin nga dunay hulagway ni kanhi Cebu City Mayor Mike Rama nga gimarkahan nga siya maoy isunod.
***
Si Mayor Osmena niingon nga ang mga killers wa nay kahadlok sa kapulisan. Ang labing ulahing hitabo mao ang pagrakrak sa sakyanan sa magpapatigayon nga si Wellington Lim niaftong Biyernes sa tungang gabii atubangan sa Infinity KTV and Music sa Archbishop Reyes Ave. nga matod pa gipanag-iya ni Peter Lim. Patay ang usa ka security guard, samdan ang kauban ug laing duha ka langyaw nga niagi sa maong dapit.
“I really don’t know what to say except criminals now are not afraid anymore. They want to do what they want. There is no fear. It’s scary,” matod pa ni Osmena.
Si Police Regional Office (PRO) 7 Director Robert Quenery niingon nga way pattern ang mga pagpatay. Apan matod pas mayor, “When the general (Quenery) says there is no pattern, the pattern is that there is no fear. Maybe they (killings) are not related to each other, but they (perpetrators) just don’t have any fear.”
***
Apan makomparar sa Sugbo nga nahisama na sa “wild west,” sa amihanang bahin sa Amerika kaniadto? Di pa tingali kay wa pa kitay makita nga mga duelo. Sa wild west, sa atubangan ang pinusilay.