SA NAKALABAY nga Dominggo, Marso 25, luyo nga excited ang mga Dabawenyos ug bisita nga mosaksi sa labing una nga Ironman 70.3 sa Mindanao, daghan sab ang nag-atang sa mga artistang moapil sa kompetisyon.
Tuod man wa mapakyas ang mga nagpaabot ug giantus ang kainit sa dalan aron lamang makita ang ilang mga idol.
Usa sa crowd favorite si Matteo Guidecelli nga miapil sa relay competition.
Sayo pa lamang sa buntag, hugyaw na kaayo ang aktor nga milantaw sa swimming competition sa baybayon sa Azuela Cove sa Lanang, dakbayan sa Davao.
Sa iyang Instagram story, nagpasalamat ang aktor sa init nga suporta kaniya sa mga Dabawenyo.
“Thank you very much Davao. I had an incredible time. More power to this beautiful city,” ang caption niya sa hulagway samtang nagdagan.
Luyo kang Matteo, present sab si Kuya Kim Atienza nga luyo sa iyang edad nga 51, nakahimo pa kini sa pag-apil sa langoy, bike ug dagan.
“Being 51 years old, my triathlon expectations have mellowed. I would've been happy just breaking 6 hours in a half ironman but today's 5:51 (sorry for the humble brag) made me realize that despite my advanced years, there is still potential to be realized!,” tipik sa mensahe ni Kim sa Instagram.
Si Kuya Kim nabutang sa 9th place sa M50-54 category, ug 222nd placer siya gikan sa 1,123 ka partisipante.
Anaa sab si Gretchen Fullido, ang entertainment news anchor sa ABS-CBN nga miapil sa triathlon under Team Gotta.
Anaa sab ang igsuon ni Matteo nga si Giorgia uban ang team niini.
Samtang si Dyan Castillejo ang nagkanayong na-enjoy sab niya ang iyang labing una nga Ironman sa Davao.
Luyo sa kainit sa adlaw nagmalampuson ang labing una nga Ironman sa Mindanao nga gisalmutan sa halos 1,800 ka atleta gikan sa nagkadaiyang parte sa kalibutan.