Meditalk: Gusto makabalo og mga pagkaon mopakgang sa bato sa renyon (3)

(Pasiuna: Kini ang atong apas-sumpay sa suliran nga gipadangat kanato ni Reina of Ecoland mahitungod sa mga pagkaon nga gusto niya nga mahibal-an nga mopakgang sa bato sa renyon.)

DEAR Reina of Ecoland,

Ug karon sa atong pagpadayon sa pag-atubang sa imong sitwasiyon mahitungod niining mga pagkaon nga makatabang kanimo nga mapakgang kining problema sa mga bato sa renyon.

Sa niagi, akong gituki nga kung aduna ka nay bato, pangutan-a ang imong doctor, kung unsa nga klase ang bato sa imong renyon.

Kay base niini, mamahimo nimo nga mapakgang ang bato sa renyon pinaagi sa pagbag-o sa kung unsa kadaghanon ang imong asin, protein nga gikan sa hayop, calcium ug oxalates diha sa pagkaon nimo.

Mamahimo nimo nga bag-ohon kung unsa ang imong ginakaon ug ginainom sa mga mosunod nga klase sa mga bato:

- Calcium Oxalate Stones
- Calcium Phosphate Stones
- Uric Acid Stones
- Cystine Stones

Calcium Oxalate Stones

Kung calcium oxalate ang klase sa bato sa imong renyon, maayo nga likayan nimo ang mga mosunod nga mga pagkaon aron mapakubsan ang gidaghanon sa oxalate sa imong ihi.

- mga mani ug mga produkto nga gikan sa mani
- mga mani nga dili gayud tinuod nga mani (apan, legume sa tinuod lang) susama sa ginabaligya sa merkado nga atong nailhan nga mani
- kulitis
- tahop sa wheat

Pakubsa ang sodium

Ang imong kahigayunan nga mougmad og bato sa renyon mousbaw kung mas mokaon ka og mas daghang sodium. Ang sodium parte kini sa asin ug daghan niini sa mga pagkaon nga nilata, gipakite, ug diha sa mga fast foods.

Daghan usab kini sa mga pangpalami sa pagkaon ug mga karne. Naa usab daghan niini diha sa mga junk foods.

Limitahi ang mga protina gikan sa hayop

Ang pagkaon niini mamahimong makapausbaw sa kahigayunan nga mougmad og mga bato sa renyon. Mao nga gikinahanglan nga limitahan ang mga pagkaon nga susama sa baka, manok, ug mga baboy, ilabi na ang laman loob nini, mga itlog, isda ug mga kinhason, gatas, keso ug lain pang mga produkto nga gikan sa gatas.

Apan, tungod kay taas-taas pa man gihapon ang atong pagahisgutan mahitungod niining imong sitwasiyon, tugoti na usab ako nga ato kini nga padayunon og pagtuki sa mga sunod nga edisyon niining atong patik. Hangtud na usab sa sunod!

Dr. Fritz

(Si Dr. Fritz Legarde Espedilla usa ka aesthetic dermatologist/surgeon ug clinical sexologist. Aduna usab siyay kahibalo ug training sa hypnotherapy ug sa Medical Acupuncture. Usa usab siya ka personalidad sa radyo nga sobra na sa dekada nga nagadagan sa kahanginan ug autor sa iyang libro nga “Healthy is Sexy Secrets ni Dr. Fritz.” Nagatudlo usab siya sa usa ka kolehiyo sa Pharmacy. Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o SunStar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph