SECTIONS
Tuesday, July 16, 2019

Mongaya: Motuo pa ta ni Aguirre?

HUMAN nga wa na magkadimao ang kaso sa administrasyong Du­terte batok sa negusyanteng Peter Lim ug Kerwin Espinosa dayon gihimong testigo ang mastermind sa pork barrel scam nga si Janet Napoles, motuo pa diay ta niining Justice Secretary Vitaliano Aguirre?

Una, nakalitan kitang gi-dismiss ang kaso batok ni Lim, Espinosa ug kining si Peter Co. Nahangangha kita kay kulang diay kuno sila og ebidensya.

Sigi na lang kini si Peter Lim kay duna man gyuy problema ang testimonya sa usa ka testigo batok kaniya. Wa sab gyuy laing testigo nga nakuha ang Department of Justice (DOJ) batok kaniya.

Apan nakita man gud nato ang pagkumpisal ni Kerwin diha mismo sa Senate investigation nga gisibya live sa telebisyon. Un­ya, kining Co, konbiktado na ug dugay nang nabalhog sa Bilibid.

Human niini, kalit nga nahimong state witness ang Napoles.

Ikaduha, atong nabasa kining sulat ni Atty. Clarence Paul Oaminal, usa ka kanhi opisyal sa Dangerous Drugs Board (DDB) ngadto sa Sun.Star Cebu.

Matod ni Oaminal, dunay tulo ka mga rason nganong kini si Aguirre dili angay tuohan ni Presidente Rodrigo Duterte ug sa katawhang Pilipino.

1. Wala niya gi-repeal ang usa ka mando ni kanhi justice secretary Leila de Lima nga nagmando sa pagbuhi sa mga druglord nga nag-atubang og mga kaso. Gigamit kini sa pagpangwarta sa miaging administrasyon.

2. Padayon ang pag-kontrolar sa industriya sa gidiling drugas sa mga druglord nga naa karon sa Bilibid.

3. Nagkadaghan karon ang pag­-dismiss og mga kasong gi­pang­sang-at batok sa mga drug­lord.

Tungod niini, wa na gyud hinuon ko motuo niining pa­sangil ni Aguirre nga usa ka druglord protector si Mayor Tomas Osmena.

Motibo

Unsa kahay motibo ni Secretary Aguirre niining iyang pagpasangil nga si Mayor Osmena duna daw kalambigitan sa gidiling drugas?

Basi sa mga balita, bawos diay kuno kining maong pasangil sa paghulga sa mayor nga mokiha kang Aguirre tungod sa pagdupa niini sa Justice Secretary sa BDO sa kasong tax evasion.

Kahinumdoman, nibayad lang og P35 ang usa ka sanga sa BDO sa tibuok tuig nga 2015. Panahon kini sa kanhi mayor Mike Rama.

Apan duna koy laing teorya.

Duha ka semana nga milabay man gud, atong nasabtan nga nagsugod sa pagpangulitawo ang kampo ni Mayor Sara Duterte nga mao ang Hugpong Ng Pagbabago sa Bando Osmena-Pundok Kauswagan (BOPK).

Mao kini ang atong nasabtan sa mga pamahayag ni Konsehal Danny Dayanghirang dihang nakighinabi kini sa media sa miaging Dominggo sa lungsod sa Tuburan.

Atong pagtuo nga ang maong pamahayag ni Aguirre kabhin ni Jumbo paagi aron di madayon ang pag-istorya-istorya tali sa duha ka grupo.

(@anol_cebu sa Twitter)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph