PAGKADALI ra sa panahon, morag bag-ohay lang ta nagsaulog sa Pasko ug Bag-ong Tuig unya karon Easter Sunday na.
Human sa pagmoni-moni, balilk ta sa paghatud og mga tsismis, tsika ug mga showbiz balita nga atong nahagdaw.
Sama ni Paul Salas ug ex-PBB housemate Barbie Imperial. Kon basihan ang ilang Instagram posts, makita nato kon unsa ka-close ang duha. Niangkon ba na sila?
Si Paul Salas atong nasundan ang iyang showbiz journey sukad sa bata pa hangtud karon nga hingkud na. Anak kini siya sa usa sa kaluha nga membro sa sikat kaayong dance group sa 80’s nga Universal Motion Dancers o UMD.
Daghan na sab kining nabuhat nga mga pelikula ug programa sa telebisyon. Samtang si Barbie Imperial na-link niadto sa kaubang housemate nga si Bailey sa PBB.
Bisan way mga kalabtim ang Paul ug Barbie, okay lang kay may career man sila, slowly but surely ang drama.
Si Barbie niangkon nga fan siya ni Paul niadto pa ug kini ang iyang ultimate celebrity crush. Wala damha nga ang artistang atangan ug sugaton niya sa airport, ang artistang gisundan niya sa tanang programa ug mga shows, karon labaw pa’s friendship ang mahimong ending.
Mo-klik kaha kon ilusad sila nga loveteam? Mao na kaha kini ang gipaabot nila aron magmabulokon ang ilang career? ay’g saba!
Sa unang pagkakita nako sa trailer sa bag-ong teleserye sa Kapamilya network nga gibituonan nilang Piolo Pascual, JC de Vera, Arci Muñoz, Alessandra de Rossi ug Empoy Marquez, abi gyud nako’g pelikula kini.
Ang “Since I found you” usa diay ka serye nga hatud sa Dreamscape production. Mao sab kini ang unang higayon sa “Alempoy” nga mag-uban sa usa ka teleserye human sa ilang malampusong pelikulang “Kita kita”.
Mas gikulbaan ang Alessandra ug Empoy aning salidaha kon unsay dangatan sa rating tungod kay box-office ang ilang indie movie.
Makauban sab nila silang Carmi Martin, John Lapus, Vivoree Esclito ug uban pa.
Medyo light comedy drama ang dagan sa ilang teleserye sa direksyon ni Antoinette Jadaone, nga maoy mohulip sa “The Good Son.” Ay’g saba!