Mongaya: Antog sa mga kaatbang

MAKAPAHIMUOT kining pagpangu­gat sa mga tigsu­­porta sa mga ka­­­atbang ni Mayor Tomas Os­­meña nga kini modagan gyud alang sa pagka senador kay kulang ang mga kandidato sa Liberal Party (LP).

Ang mayor nanghimakak na duna siyay plano nga modagan diha sa iyang Facebook. Apan moinsister gyud ang mga nailhang mga kritiko nga mas maayo mag-senador siya.

Mao kini ang nakakumbinser kanako nga ang listahan sa giingong resistance coalition, possible nga fake news gikan sa makinaryang pangpropaganda sa iyang kaatbang. Nagduda ko nga gikan ra kini sa wa magpaila nga grupo nga nagpaluyo sa Cebu Fake Reports (CFR).

Kon nakaila man gani ka­mo sa mga tawo nga nagpaluyo niining Cebu Fake Reports (CFR), wa gyud hinuon ko makahibawo kinsa na sila. Basta nagduda lang ko nga sila ang nagpaluyo sa maong bakak.

Daw tuyo karon sa mga kaatbang ni Mayor Osmeña nga pintalan siyag yellow bisan pa man og independente siyang nagpaluyo sa pipila mga programa sa administrasyon.

Akong pagsabot nga nahadlok ang mga kaatbang sa mayor nga mag-alyansa ang BOPK ug kining mga tigsuporta ni Presidente Duterte nga gipangsalikway sa PDP-Laban.

Daghan man gud kining gipangsalikway sa PDP-Laban dinhi sa Syudad sa Sugbo. Ug lakip niini mao ang grupo sa PDP-Laban nga tigsuporta nilang Lorna Roa Bacalla.

Dinhi sa Sugbo sa miaging semana ang usa sa sinaligan sa Hugpong Ng Pagbabago nga gipangulohan ni Mayor Sara Duterte.

Gani, gibalita dinhi sa Superbalita Cebu ang pamahayag ni Konssehal Danny Dayanghirang ang posibilidad sa maong alyansa. Dayon nagkanayon sab si Mayor Osmeña nga abli siya sa maong posibilidad.

Laing isyu nga gibato karon sa oposisyon mao ang pamahayag ni Justice Secretary Vitaliano Aguirre nga ang number 2 ni Jaguar nga si Jumbo motestigo batok sa mayor.

Ang problema niini kay wa na may kredibilidad si Aguirre. Gawas sa gisaysay nako sa miaging lindog, kahibudngan sab nganong wa motumaw nga state witness si Jumbo batok ni Kerwin Espinosa ug Peter Lim.

Surambaw lagi kining kang Secretary Aguirre ug uyon ko sa panawagan nga taktakon na kini siya kay mao gyud kini ang naglawgaw sa kampanya batok sa gidiling drugas ni Presidente Rodrigo Duterte.

Customs

Bisan pa man sa mga bati nga balita kabahin sa Bureau of Customs didto sa kaulohan sama sa pagkawagtang sa kapin sa 100 ka container vans, positibo ang balita sa bureau dinhi sa Sugbo ubos sa liderato karon ni Customs District Collector Elvira Cruz.

Bisan pa man sa padayong epekto sa Chinese New Year sa kadaghanon sa mga importasyon gikan sa China ug sa kamingaw sa Semana Santa, nakuha gihapon ni Collector Cruz ang P2.034 bilyones nga target sa Cebu Collection District. (@anol_cebu sa Twitter)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph