GIKONDENA sa lokal nga kagamhanan ang pagpangsunog sa napulo ka mga construction heavy equipment nga hinimoan sa New People's Army sa tulo ka managlahing dapit sa siyudad sa Davao niadtong Sabado sa gabii.
Subay sa suwat pamahayag ni Davao City Mayor Sara Duterte-Carpio, usa ka hinimoan sa teroristang grupo ang gihimo sa rebeldeng NPA.
"The attacks were downright cowardly and indicate that the NPA is nothing but a terrorist group that deserves our collective rejection and condemnation. The NPA’s revolution is one designed to undermine our democracy and development through its brand of egregious violence and extremism," tipik sa suwat pamahayag.
Sumala sa Mayor nga nabalda ang road projects sa lokal nga kagamhanan ning siyudad nga usa
sab sa mga proyekto ni Pangulong Rodrigo Duterte human gisunog ang mga ekipo.
Gitin-aw sa Mayor nga tumong sa road projects nga mapalambo ang mga nag-unang serbisyo, mapapaspas ang transportasyon lakip ang dugang kalamboan sa hisgutanang kahimsog, edukasyon, agrikultura ug livelihood projects, apan wa kini makita sa NPA sa ilang pagsunog sa mga ekipo nga nag-ayo sa mga kalsada.
Giawhag sa Mayor nga maghiusa ang katawhan nga makigkoordinar sa kapulisan ug kasundalohan batok NPA.