Gipamatay sa sigbin?

PABILING tanghaga karon alang sa usa ka pamilya didto sa Dapco Farm 1 sa Panabo City ang misteryosong pagkamatay sa ilang mga binuhing hayop.

Sabado, Marso 31, naukay ang mga Facebook users sa post sa usa ka Mi Chell Vistal Oñitap nga nagpakita sa nagkadaiyang hulagway sa mga hayop, sama sa manok, pabo, rabbit nga nagkadugo na ug wa nay kinabuhi nga may daw pinaakan sa lawas.

"RIP sa amoa mga hayop sa DAPCO FARM 1, gipang #BALBAL jud tawun. Gisuyop ra ang dugo, #pabo_manok_rabbit pati saging gipangkit kit. 11 ka pabo, 3 manok, 2 rabbit, 1 Bebe. Sa tanan taga DAPCO, bantayi ninyo inyoha mga hayop basin mao na pod sunod #balbalon. Dili magkumpyansa labi na sa sulod sa sagingan basin walay makita nga hayop, tao na ang tripan," ang Facebook post ni Mi Chell.

Sa Facebook chat tali SuperBalita Davao ug Mi Chell, gibutyag niini nga gikakurat ug gikahadlok kaayo nila ang nahitabo nga suma pa binuhatan sa usa ka sigbin.

"Sigbin daw ang nagtira, ma'am. Naay nakita akoa pinsan nga sinaligan sa area."

Niya pa, unang beses kining nahitabo sa ilang mga kahayupan nga anaa gibuhi sa ilang luna sa Dapco Farm 1.

"First time ko nakadungog og ingon ani pero nagbasa ko sa mga comments sa akong gipost naa pa diay laing nahitabo ani didto sa pikas ug sigbit nga area."

Dugang niya nga tungod sa hitabo wala na nila patuluga ang iyang ig-agaw nga maoy anaa sa lugar nag-istar.

Lunes sa buntag, Abril 2, sa Facebook chat ni Mi Chell gisulti niini nga namatyan na sab sila og usa ka manok ug pabo, lakip sab ang binuhi sa ilang silingan.

Sa kasamtangan, padayong nagdebate ang mga netizens sa post ni Mi Chell nga miabot na og sobra dos mil ka shares.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph