Babaye nakig-sex og 4 ka kustomer

NAGPATABANG sa kapulisan ang usa ka babaye human gi-thank you o gisibatan sa upat ka mga lalaki nga mibirada kaniya sa lungsod sa Tagoloan, Misamis Oriental.

Ang babaye nga giilang si Ana usa ka trabahante sa bar sa Barangay Puerto, dakbayan sa Cagayan de Oro diin iyang kostumer ang upat ka mga lalaki.

Giila ang mga lalaki nga sila si Marvin, Erson, Tare, ug Anthony.

Saysay ni Marvin nga siya ang unang nakigsabot kang Ana nga magbayad sila og P1,500 bugti sa lawasnong kalipay.

Nisugot usab ang babaye ug ila kining gidala sa lungsod sa Tagoloan diin didto nahitabo ang panagtagay sa kalipay.

Nahuman gayud ang upat ka lalaki diin ulahing nibira si Tare apan nasuta nga misibat kini ug gidala ang bayad nga P1,500.

Maoy hinungdan nga labihan ang hilak ni Ana nga nagpatabang sa kapulisan.

Gilusad ang operasyon sa kapulisan sa Tagoloan Police Station ug gisikop ang tulo ug gibalhog sa prisuhan apan si Zabate nakasibat karon panahona.

Apela karon sa tulo ka mga napriso nga unta pasayluon sila sa babaye tungod kay dili nila intensyon nga tiwayon kini sa bayad gani nagpatak-patak sila niadtong tungora aron moabot og P1,500 ang bayad.

Apan giingong desido mopasaka og sumbong ang biktima karong panahon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph