Meditalk: Gusto makabalo og mga pagkaon sa bato sa renyon (5)

(Pasiuna: Kini ang atong apas-sumpay sa suliran nga gipadangat kanato ni Reina of Ecoland mahitungod sa mga pagkaon nga gusto niya nga mahibal-an nga mopakgang sa bato sa renyon.)

DEAR Reina of Ecoland,


Ug karon sa atong pagpadayon sa pag-atubang sa imong sitwasiyon mahitungod niining mga pagkaon nga makatabang kanimo nga mapakgang kining problema sa mga bato sa renyon, karon ania pa ang lain nga klase sa bato sa renyon.

Bato nga gikan sa Calcium Phosphate

Pakubsa ang asin

Ang imong kahigayunan nga mougmad sa mga bato sa renyon mousbaw kung mokaon ka og pagkaon nga mas daghan og sodium. Ang sodium parte sa asin.

Ang sodium daghan kaayo diha sa mga pagkaon nga delata, pinakite ug mga fast foods. Daghan usab kini sa mga pangpalasa ug mga karne.

Pagpakig-istorya sa usa ka propesyonal sa panglawas kung unsa kadaghanon sa sodium ang kinahanglan nimo nga kaunon.

Limitahi ang protina gikan sa hayop

Ang pagkaon sa protina gikan sa hayop mamahimong makapausbaw sa imong kahigayunan nga mougmad og bato sa renyon. Ang usa ka propesyonal sa panglawas mamahimo nga sultihan ka nga limitahan nimo ang mga protina gikan sa hayop, lakip na ang mga mosunod:

• baka, manok, ug baboy, ilabi na mga laman loob
• itlog
• isda ug kinhason
• gatas, keso ug lain pang mga produkto sa gatas

Maskin pa man nga gikinahanglan nimo nga limitahan ang kadaghanon sa protina nga gikan sa hayop nga imong kaunon kada adlaw, gikinahanglan pa gihapon nga seguraduhon nimo nga nakuha usab nimo ang ensakto nga protina diha sa imong diyeta.

Mao nga konsiderahon nimo nga ilisan ang uban sa karne ug protina gikan sa hayop nga kasagaran nimo nga ginakaon diha sa mga pagkaon nga gibase sa tanum nga hataas sa protina susama sa mosunod:

• legumes nga susama sa beans, pinauga nga gisantes ug mga mani dried peas
• mga pagkaon nga gikan sa soya, susama sa soy milk, tofu ug taho
• mga mani ug mga produkto gikan sa mani, susama sa almonde, kasoy, walnut ug pistachios
• mga liso sa sunflower

Pagpakig-istorya sa usa ka propesyonal sa nagaatiman sa lawas kung pila ang kinatibuk-an nga protina ang angay nga magagikan sa mga pagkaon nga gikan sa hayop man o sa tanum.

Apan, tungod kay taas-taas pa man gihapon ang atong pagahisgutan mahitungod niining imong sitwasiyon, tugoti na usab ako nga ato kini nga padayunon og pagtuki sa mga sunod nga edisyon niining atong patik. Hangtud na usab sa sunod!


Dr. Fritz


(Si Dr. Fritz Legarde Espedilla usa ka aesthetic dermatologist/surgeon ug clinical sexologist. Aduna usab siyay kahibalo ug training sa hypnotherapy ug sa Medical Acupuncture. Usa usab siya ka personalidad sa radyo nga sobra na sa dekada nga nagadagan sa kahanginan ug autor sa iyang libro nga “Healthy is Sexy Secrets ni Dr. Fritz.” Nagatudlo usab siya sa usa ka kolehiyo sa Pharmacy. Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o SunStar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph