SECTIONS
Sunday, August 18, 2019

Opisyal sa BJMP ‘nangilkil’

NASIKOP sud sa mall sa Barangay Mabolo, Siyudad sa Sugbo sa mga sakop sa Criminal Investigation and Detection Group 7 ang usa ka kanhi opisyal sa Bureau of Jail Management and Penology nga bag-o lang miretiro sa katungdanan human mangilkil sa usa ka aplikante nga gustong mahimo nga jail guard.

Ang mga nasikop mao si kanhi Jail Supt. Priscillana Gilboy, 49, lisensyadong psychiatrist nga maoy mohimo sa neuro examination sa mga aplikante lakip na ang bayaw niini nga si Fatima Gilboy, giingong iyang tigdawat sa suborno.

Wa magdahom si Gilboy nga usa diay kadto ka entrapment operation.

Makita sa video nga si Fatima midawat sa “marked money” nga nagkantidad og P20,000 nga gisulod sa puti nga sobre.

Matod ni Chief Inspector Chuck Barandog, pangu sa Criminal Investigation and Detective Unit (CIDU) sa CIDG-7, nga tulo ka adlaw nilang giplanuhan ang pagdakop sa BJMP official.

Niduol sa CIDU ang usa ka security guard nga nangaplay sa pagka- jail guard.

Una na silang nagkakita sa usa ka mall sa Fuente Osmeña niadtong Semana Santa diin didto na mibungat ang jail officer sa iyang gipangayo nga kantidad bugti sa pagpasar niini sa neuro exam.

Matod ni Barandog nga alas 5:45 sa milabayng hapon giplano nila ang operasyon.

Giingong P30,000 ang gipangayo ni Supt. Gilboy sa biktima, apan giunhan lang una sa P20,000 kay isunod ra paghatag ang nahibilin kon madawat na sa pagka-jail officer.

“Upon our examination sa cellphone daghan almost all the applicant they contacted gipangayoan nilag kwarta equivalent to one month salary of Jail Officer 1,” matod ni Barandog.

Si Jail Supt. Glboy maoy mo­eksamin sa mga aplikante sa mga gustong mahimong Jail Officer sa BJMP region 6, 7 ug 8 sanglit wa may doktor ang maong mga regional offices sa BJMP.

Nagtuo si Barandog nga dugay na nga modus sa mga dinakpan ang pagpangayo og bayad sa mga aplikante.

Lakip sa nakuha nga kasayuran sa CIDG 7 nga di lang bag-ong mi-apply sa BJMP ang ilang gipangwartahan lakip na usab ang gustong magpa-promote sa ilang posisyon.

Awhag ni Barandog sa mga aplikante nga gipangayoan sa jail officer nga mopatim-aw sa ilang buhatan alang sa dugang kaso nga ilang ipasaka.

Gisuwayan sa pagkuha ang habig sa mga dinakpan, apan nagpabiling tak-um ang ilang baba samtang gihikay na ang kasong pagpangilkil batok kanila.

Ang mga BJMP 7 official, human masayod sa pagkasikop ni Gilboy ug sa modus niini, mopa-review sa tanang mga mi-apply sa ilang buhatan.

Matod ni Jail Chief Inspector Dennis Aliño, chief sa Community Relations Section sa BJMP 7, nga niadtong March 19, 2018 ang Neuro Psychiatric exam gipahigayon diin si Gilboy maoy examiner.

Wa usab sila masayod nga dunay aplikante nga nang­re­klamo batok kang Gilboy.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph