Meditalk: Gusto makabalo og mga pagkaon mopakgang sa bato sa renyon (6)

(Pasiuna: Kini ang atong apas-sumpay sa suliran nga gipadangat kanato ni Reina of Ecoland mahitungod sa mga pagkaon nga gusto niya nga mahibal-an nga mopakgang sa bato sa renyon.)

DEAR Reina of Ecoland,

Ug karon sa atong pagpadayon sa pag-atubang sa imong sitwasiyon mahitungod niining mga pagkaon nga makatabang kanimo nga mapakgang kining problema sa mga bato sa renyon, sa niagi atong gihisgutan ang mahitungod sa pagpakgang sa calcium phosphate stones. Ug karon, diri usab kita magpadayon sa lain pa nga mga lakang kung unsaon kini pagpakgang.

Kuha ug ensaktong calcium gikan sa mga pagkaon

Maskin pa man og paminawon nato nga daw kining calcium mao ang hinungdan niining mga calcium stones, apan, ang tinuod, dili gayud. Mao nga ayaw padala sa maling akala. Sa ensakto nga kantidad, ang calcium gani ang mobara sa laing mga sangkap diha sa tinai nga maoy hinungdan niining mga bato sa renyon.

Mao usab, pagpakig-istorya sa usa ka propesyonal sa panglawas kung unsa kadaghanon sa calcium ang gikinahanglan nimo nga kaunon aron matabangan ka nga mapakgang ang mga calcium oxalate stones ug aron masuportahan ang makusganon nga mga bukog.

Mas maayo seguro nga mokuha ka og calcium gikan sa mga pagkaon nga kubos sa oxalate ug binase sa tanum nga susama sa mga juice, mga pan, ug uban nga mga gulay ug ubang klase sa beans nga bahandianon sa calcium.

Mao nga pangutana sa usa ka dietitian o lain pa mga propesyonal sa panglawas kung unsa ang mga pagkaon ang pinakamaayo nga tinubdan niining mga calcium alang kanimo.

Limitahi ang protina gikan sa hayop

Ang pagkaon og protina gikan sa hayop mamahimong makapausbaw sa imong kahigayunan nga mougmad og bato sa renyon. Ang usa ka propesyonal sa panglawas mamahimong moingon kanimo nga limitahan ang pagkaon og mga protina gikan sa hayop, lakip na ang ang mga mosunod:

• baka, manok, ug baboy, ilabi na mga laman loob
• itlog
• isda ug kinhason
• gatas, keso ug lain pang mga produkto sa gatas

Apan, tungod kay taas-taas pa man gihapon ang atong pagahisgutan mahitungod niining imong sitwasiyon, tugoti na usab ako nga ato kini nga padayunon og pagtuki sa mga sunod nga edisyon niining atong patik.

Hangtud na usab sa sunod!

Dr. Fritz

(Si Dr. Fritz Legarde Espedilla usa ka aesthetic dermatologist/surgeon ug clinical sexologist. Aduna usab siyay kahibalo ug training sa hypnotherapy ug sa Medical Acupuncture. Usa usab siya ka personalidad sa radyo nga sobra na sa dekada nga nagadagan sa kahanginan ug autor sa iyang libro nga “Healthy is Sexy Secrets ni Dr. Fritz.” Nagatudlo usab siya sa usa ka kolehiyo sa Pharmacy. Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o SunStar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph