Albor: State witness si Napoles

GAWASNON na unya ang pork barrel queen Janet Lim Napoles sa tinguha sa justice department nga himoong state witness sa giwaldas nga P10B PDAF ug giubos sa witness protection program. Supak sa maong lakang si Ombudsman Conchita Carpio-Morales kay duna sab silay lahi nga pakisusi. DOJ ug NBI misang-at og kasong plunder ngadto sa Ombudsman batok nila ni Sen. Juan Ponce Enrile, Bong Revilla, Jinggoy Estrada, Napoles, lima ka mga kongresista Rodulfo Plaza sa Agusan del Sur, Samuel Dangwa sa Benguet, Constantino Jarawla sa Cagayan de Oro ug Dianne Seachon-Lanete sa Masbate hinungdan nga dunay nangapriso. Laing hugna sa kaso sa anomaliya sa PDAF batok gihapon ni Napoles ug walo ka mga kongresista. Nagsunod ang kaso batok sa unom ka mga kongresista Zenaida Ducot sa Pampanga, Ruffy Biazon sa Muntinlupa, Mark Douglas Cagas IV sa Davao del Sur, Ariel OlaƱo sa Davao del Norte, Rodulfo Valencia sa Oriental Mindoro ug Arthur Pingoy Jr. sa South Cotabato diin giimbodo ang ilang PDAF ngadto sa peke nga NGO ni Napoles. Sa COA report dunay 82 ka mga NGO diin napulo niini kang Napoles ug ang uban iya sa NGO network ni Godofredo Roque. Lain sab ang mitugyan sa ilang PDAF ngadto sa govt. owned and controlled corporations sama sa Technical Resource Center, National Agri-Business Corp., National Livelihood Development Corp. ug ang uban ngadto sa satellite agency sama sa Dept. of Agriculture, Phil. Carabao Center ug National Agricultural and Fishery Council apan tua mahipunta sa peke nga mga NGO. Mokabat sa P759M sa 23 ka mga proyekto gikan sa PDAF sa 28 ka mga kongresista nga gipaagi sa satellite agency. Gani ang Ombudsman mipalagpot na sa 19 ka mga opisyal sa state-owned agencies nga nakigkonsabo sa mga magbabalaod. Panahon ni Pres. Noynoy Aquino sa 2010-2013 basi sa talaan sa DBM nakapagawas og P60.4B nga PDAF ngadto sa 21 ka mga senador ug 284 ka mga kongresista. Gilambigit ni Napoles sila si Sen. Franklin Drilon, Antonio Trillanes, Leila de Lima ug kanhi Budget Sec. Butz Abad. Sila si Sen. Panfilo Lacson ug Joker Arroyo wala modawat sa ilang PDAF. Posibling malakip sa pagbutyag ang pagwaldas sa DAP ug Malampaya fund. Pagkadaghan kahang mapriso nga taga LP kon mahimong state witness si Napoles.

Sa kasong serious illegal detention nga gisang-at ni Benhur Luy nakalingkawas si Napoles sa Mayo 5, 2017 diin mipabor ang Court of Appeals (CA) sa iyang apelasyon human makonbikto sa Makati- RTC og 40 ka tuig nga pagkabilanggo. Natataw sa CA nga wala bilanggoa si Luy kondili misulod diay sa spiritual retreat sa Bahay Ni San Jose, Magallanes Village, Makati. Si Napoles nagpabilin sa Camp Bagong Diwa sa Taguig human gisalikway sa Sandiganbayan ang hangyo nga mobalhin sa NBI Custodial Center, Manila. (csa_1156@yahoo.com/0916-734-5737)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph