TAGBILARAN CITY - Ang kalihim sa Department of Agriculture (DA) nanghatag og ‘certificates of commitments’ sa mga proyektong pang-agrikultura ug pangisdaan nga nagkantidad og P450 milyones nga ipatuman karong tuiga.
Matod ni Agricultura Secretary Emmanuel Piñol nga kining mga proyekto gipundohan ubos sa 2018 nga budget sa DA. Sigun ni Piñol nga gamiton sa DA ang Rice Processing Center (RPC) sa lungsod sa Pilar sa pagpalit ug pagpanghatag sa mga lokal nga abot sa humay samtang ang Bureau of Fisheries and Aquatic Resources (BFAR) mohatag sa kinahanglanong post-harvest alang sa cold storage facility.
Si Piñol, kauban ni Cabinet Secretary Leoncio Evasco, Jr., nitambong sa Incident Command System-Executive Course (ICS-EC) alang sa mga mayor sa Bohol nga gipahigayon sa kagamhanan sa Bohol. (PIA)