DALAGA nga bigtime pusher nakuhaan og P1.4 milyon nga shabu uban sa iyang ka kunsabo sa alas 12:30 sa miaging kaadlawon sa Fourth Abellana Extension sa Brgy Basak, dakbayan sa Mandaue.
Si Barbara May Fernandez, 21, alias Bambam taga A Lopez, Brgy. Calamba ug ka kunsabong si Raniel Murillo Garrido. Siya unom ka buwan nga maboss.
Si Supt. Glenn Mayam, hepe sa Drug Enforcement Group (DEG)-Central Visayas nga nahinabi sa Superbalita Cebu mibutyag nga si Fernandez ug Garrido nalakip sa ilang listahan nga high value target (HVT).
Nipalit silag shabu nga 125 gramos gamit nila ang boodle money nga P450 mil.
Human sa ilang 2 ka bulan nga monitoring, gihimo ang joint buy-busy operation uban sa Provincial Intelligance Bureau sa Cebu City Police Office (PIB-CPPO), Regional Intelligence Division (RID)-7, Police Station 3 sa MCPO.
Matud pa nga si Fernandez, idlas nga pagkapusher magbalhinbanlhin og lugar.
Ang mga transakyon niini labing minos 100-200 o ngadto na sa 1 ka kilo.
Ang shabu nga nasakmit nila mobalor sa P2.4 milyon sa Dangerous Drugs Board (DDB) value.
Ang kontak ni Fernandez, usa ka binilanggo diha sa Naga City Jail.
Si Garrido maoy tighatod og shabu sa Danao ug ubang lungsod paingon sa norte.
Samtang, si Garrido gipasakaan na og tukmang kaso sa pagpayuhot og drugas.