SECTIONS
Monday, July 22, 2019

Mongaya: OPAV di makamao moihap?

NAHIMUOT ko nga nagbasa sa gibalik-balik nga mga post diha sa Facebook gikan sa Office of the Presidential Assistant for the Visayas (OPAV) nga 30 ka tuig na sa poder si Mayor Tomas Osmeña.

Ako man gud mahinumdoman nga si Tomas nahimong mayor sa Syudad sa Sugbo sa tuig 1988-1992, 1992-1995, 2001-2010, ug 2016-2018.

Iphon kuno nato bi. Upat ka tuig gikan sa 1988 ngadto sa 1992, tulo ka tuig gikan sa 1992 ngadto sa 1995, siyam ka tuig gikan sa 2016 hangtod karon.

Buot ipasabot, mayor sa syudad sa Sugbo si Tomas sulod lang sa 18 ka tuig.

Alvin

Di man gud mayor si Tomas kaniadtong 1995 ngadto sa 2001. Si Mayor Alvin Garcia ang mayor niadtong tungora.

Kahinumdoman, si Bise Mayor Alvin Garcia mao ang kandidato sa BOPK sa tuig 1995 ug 1998. Gani, nakauyon ako sa pagpadagan ni Mayor Garcia sa syudad sa maong mga katuigan.

Please lang, di unta nato kalimtan kadtong maong mga katuigan ubos sa liderato ni Mayor Alvin Garcia.

Bisan pa man, nidaog si Tomas batok ni Alvin sa usa sa labing kontrobersyal nga eleksyon sa 2001 diin halos tres mil lang ang labaw sa challenger.

Mike

Karon, di sab si Tomas ang ma­­yor gikan sa 2010 ngadto sa 2016.

Kahinumdoman, si Bise Mayor Mike Rama ang kandidato sa BOPK kaniadtong Mayo 2010 kay di na man makalansar si Tomas sa pagka mayor. Hinuon, nidagan kini ug nidaog sa pagka kongresista sa ikaduhang distrito sa Syudad sa Sugbo.

Ang kaatbang ni Rama sa 2010 mao si Alvin Garcia, kadtong igsuon nga babaye ni Tomas nga si Georgia, ug si John Osmena. Nidaog si Mike Rama niadtong maong piliay.

Team Rama

Kay wa magkasinabot silang Mayor Rama ug Kong. Osmena, nagkaatbang sila sa piliay sa 2013. Dinhing tungora namugna ang Team Rama nga nakakuha sa suporta sa Barug Sugbo nga gipangulohan ni kanhi mayor Alvin Garcia.

Nakadaog og laing termino si Mayor Rama batok kang Tomas Osmena sa piliay sa 2013. Mao kini ang piliay nga nangapildi ang mga kandidato sa Team Rama alang sa pagka kongresista ug mayorya sa mga kandidato sa pagka konsehal.

Sa rematch sa 2016, diha na napildi si Mayor Rama ug nibalik pagka mayor si Tomas Osmeña.

Fake news

Sa atong saysay, moguwa nga dunay 12 ka tuig nga dili si Tomas ang mayor sa Sugbo. Sayop gihapon bisan og gi-round off. Ambot nganong wala man kini tarunga sa pag-ihap sa mga maayong-laki sa OPAV, di man unta Cebu Fake Report kun CFR ang ilang opisina.

Kon di man gud nila taru­ngon sa pag-ihap, makwestyon na hinuon ang uban nilang pangangkon batok sa BRT ug u­­bang mga proyekto. Makaingon kita nga basin kini fake news?

(@anol_cebu sa Twitter)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph