HAPIT na mahuman ang “The Good Son” ug sa mga naghinapos nilang episode, dili nimo kapugngan nga dili modayeg nilang Nash Aguas, Jerome Ponce, Macoy de Leon ug Joshua Garcia.
Nagpakitang gilas ang Nash Aguas, ang batang atong ginuntan sukad niadtong gamay pa sa usa ka reality show, nabaid og maayo sa pag-arti, mapa-drama man o komedi.
Mao nga maski unsang papel, kaya kaayo ni Nash, mao nga sa “The Good Son” mobilib sab gyud ka niya. Samtang, si Jerome Ponce, una natong nasundan sa super hit nga programa matag udto niadto, ang “Be careful with my heart” isip usa sa mga anak ni “ser chief” Richard Yap.
Sa “The Good Son” gipakita sa ulitawo ang iyang kahanas sa pag-arti. Laing aktor nga gikan usab sa maong serye nga “Be careful...” si Macoy de Leon nga kon wala ka makatotok og maayo sa maong programa, siguradong imo lang siyang hikalimtan kay medyo extra lang siya dinhi.
Pero karon super sikat na ang Macoy, sakop sa grupong “Hashtag” nag-PBB, naka-loveteam si Elisse.
Ang “The Good Son” jud mismo nga si Joshua Garcia, niadto pa lang daghan na ang nidayeg niya.
Gikomparar pa kini kang John Lloyd Cruz sa kalawom ug ka-intense niya mo-arti, ay’g saba!
Bisan pa man og dugay pang ipasalida sa mga sinehan ang pelikula sa Showtime host Anne Curtis, ang “Buy bust”, malipayon gihapon ang dalaga. Mahinamon niyang gipanghambog ang maong pelikula ug take note, duha ka tuig ni nilang gigama.
Wa madayon ang pagsalida sa pelikula kay napalit ang distribution rights niini sa abroad. Mao nga posibleng una kining ipasalida sa gawas o puwede sad idungan dinhi sa Pilipinas.
Usa ka drug enforcement operative ang papel ni Anne ug umaatikabong aksyon ang inyong makita dinhi sa babaye, ay’g saba!
Dugay na sab nato nga wa makita ang aktor nga si JM de Guzman ug karon human sa duha ka tuig, balik telebisyon kini pinaagi sa Precious Hearts Romances presents “Araw-Gabi,” diin partner niya ang batan-ong aktres ug kanhi PBB housemate, Barbie Imperial. Ay’g saba!