Mga kawani sa mga kompaniya sa konstraksiyon sa Cebu province ipaubos sa safety training-seminar

NAGKADAIYANG construc­tion company sa probinsiya sa Sugbo maoy isunod sa pagpaubos og training ug seminar alang sa luwas nga pagpanarbaho sa ilang mga empleyado.

Mao kini gitug-an sa tigpa­maba sa Provincial Disaster Risk Reduction and Management Office (PDRRMO nga si Julius Regner human usab sa nahitabong pagka-matay sa tulo ka mga pahinante, nga nag-welding sa usa ka poultry farm sa Baangay Sibado, lungsod sa Pinamangujan niadtong Huwebes sa hapon.

Matod ni Regner, angay pangandaman usab ang mga human-induced hazard, sama sa pagka-hagsa sa damba o sa aktwal nga gitukod nga edipisyo ug uban pang mga insidente sa construction site.

Dugang niya, kinahanglang mahatagan og kapasidad ang mga kontraktor kon unsaon nga luwas ang ilang mga trabahante sa maong mga risgo aron kalikayan ang pagka-a­ngol o pagka-kalas sa kinabuhi.

Patay ang mga trabante nga silang Feliciano Media, Denis Artis ug Renerio Cabilin, Jr., human nibigay ang yuta nga gibarugan sa gigamit nila nga steel bar matting, samtang sila nag-welding sa poultry farm niadtong Miyerkules. (AZDL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph