Espedilla: Gusto makabalo og mga pagkaon mopakgang sa bato sa renyon (7)

(Pasiuna: Kini ang atong apas sumpay sa suliran nga gipadangat kanato ni Reina of Ecoland mahitungod sa mga pagkaon nga gusto niya nga mahibal-an nga mopakgang sa bato sa renyon.)

Dear Reina of Ecoland,

Ug karon sa atong pagpadayon sa pag-atubang sa imong sitwasyon mahitungod niining mga pagkaon nga makatabang kanimo nga mapakgang kining problema sa mga bato sa renyon, sa niagi atong gihisgutan nga kinahanglan gayud nga limitahan ang pagkaon sa mga karne aron mabatukan ang bato sa renyon.

Gani, maskin pa man nga gikinahanglan nimo nga limitahan ang kadaghanon sa protina nga gikan sa hayop nga imong kaunon kada adlaw, gikinahanglan pa gihapon nga siguraduhon nimonga nakuha usab nimo ang ensakto nga protina diha sa imong diyeta. Mao nga konsiderahon nimo nga ilisan ang uban sa karne ug protina gikan sa hayop nga kasagaran nimo nga ginakaon diha sa mga pagkaon nga gi base sa mga tanum nga hataas sa protina, susama sa mga mosunod:
beans, pinauga nga mga gisantes, ug mani; soya nga mga pagkaon, susama sa soya milk, soya nga nut butter ug tokwa; mga mani ug produkto sa mani, susama sa almonde ug butter sa almonde, kasoy ug butter sa kasoy, walnuts ug pistasyo; mga liso sa sunflower;
mao nga pagpakig-istorya gayud sa nagatagad sa imong lawas mahitungod sa kinatibuk an nga protina nga gikinahanglan nimo nga kaunon ug pila ang naggikan niini sa hayop ug sa mga tanum.
Ug sa mga sobra ang timbang, gikinahanglan gayud ang pagpapayat, ilabi na sa mga tawo nga adunay hataas nga nibel sa uric acid sa ilang lawas.

Bato sa Cystine

Kung bato sa renyon nimo tungod sa cystine, ang pag-inom og ensaktong likido, ilabi na sa tubig ang pinakaimportante nga kabag-ohan sa estilo sa kinabuhi nga imong gikinahanglan nga buhaton aron mapakgang ang mga bato sa cystine.

Ang pagpakig-istoya usab sa usa ka propesyonal sa panglawas ang gikinahanglan nimo nga buhaton mahitungod sa unsa kadaghanon sa likido ang gikinahanglan nimo nga inumon matag adlaw.

Apan, tungod kay taas-taas pa man gihapon ang atong pagahisgutan mahitungod niining imong sitwasyon, tugoti na usab ako nga ato kini nga padayunon pagtuki sa mga sunod nga edisyon niining atong patik.
Hangtud na usab sa sunod!

Dr. Fritz

(Si Dr. Fritz Legarde Espedilla usa ka aesthetic dermatologist/surgeon ug clinical sexologist. Aduna usab siyay kahibalo ug training sa hypnotherapy ug sa Medical Acupuncture. Usa usab siya ka personalidad sa radyo nga sobra na sa dekada nga nagadagan sa kahanginan ug autor sa iyang libro nga “Healthy is Sexy Secrets ni Dr. Fritz”. Nagatudlo usab siya sa usa ka kolehiyo sa Pharmacy. Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o Sunstar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)

style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph