NAUKAY og maayo ang mga residente dihang napalgang wala nay kinabuhi ang usa ka mag-uuma pasado alas 1:40 sa niaging mga adlaw diha sa Sitio Manubiray, Barangay Lampanusan lungsod sa Kalilangan, Bukidnon.
Giilang ang biktima nga mao si Jerry P. Buagas, 45, ulitawo, usa ka mag-uuma sa nanganlan nga dapit.
Igo na lamang nadawat sa kapolisan ang impormasyon hinungdan daling miresponde sila si SPO2 Ampi C. Ali.
Sa inisyal nga imbestigasyon, ang biktima nasuta nga niadto pang Marso 28 nawala ug wala na nakauli hinungdan ila kining gipangita og maayo.
Apan nakita ang lokasyon niini dihang ang biktima gilubong sa umahan nga gipanag-iyahan sa usa ka Lelibeth Caspie.
Ang patayang lawas ni Buagas ang giputos og habol ug gitabonan og sako ug anaa na kini sa pagkadugta.
Nadeporma na iyang bukton samtang namatikdan ang tinigbasan sa iyang tiil nga bahin.
Wala pay matudlo nga suspek sa pagpatay niini ug kini mao ang giimbestigahan sa kapolisan karong panahona.
Gitouhang personal nga bangi ang motibo sa pagpatay sa biktima.