Meditalk: Gusto makabalo og mga pagkaon mopakgang sa bato sa renyon (8)

(Pasiuna: Kini ang atong apas-sumpay sa suliran nga gipadangat kanato ni Reina of Ecoland mahitungod sa mga pagkaon nga gusto niya nga mahibal-an nga mopakgang sa bato sa renyon.)

DEAR Reina of Ecoland,

Ug karon sa atong pagpadayon sa pag-atubang sa imong sitwasiyon mahitungod niining mga pagkaon nga makatabang kanimo nga mapakgang kining problema sa mga bato sa renyon, ania pa ang mga dugang nga mga tips aron mapakubos ang imong pagkaon sa mga parat.

Kasagaran nato karon kusog kaayo ta anang mga parat. Himarat kaayo ba. Perte gong halina sa mga junk foods, mga noodles ug mga de lata. Ang mga hamtong gikinahanglan nga mopunting lamang og dili mosobra sa 2,300 mg nga sodium kada adlaw. Ang usa ka kutsarita sa asin adunay 2,325 ka mg sa sodium. Kung aduna kay bato sa calcium oxalate o sa calcium phosphate, gikinahanglan nimo nga sundon ang mosunod nga mga giya, maskin pa man ug nagainom ka og tambal aron mapakgang ang bato sa renyon.

Ania ang uban nga mga tips aron matabangan ka nga mapakubos ang imong ginakaon nga sodium:

- I-tsek ang Percent Daily Value (%DV) alang sa sodium diha sa Nutrition Facts nga anaa sa label nga makit-an sa kadaghanan sa mga pagkaon. Mahibal-an nimo kung kubos ang sodium, kung lima ka porsiyento lamang, kon kubos pa ang porsiyento niini, ug hataas ang sodium kung ang porsiyento niini, baynte porsiyento o taas pa niini.

- I-konsiderar ang pagsulat kung pila ang sodium nga imong ginakonsumo kada adlaw.

- Kung mokaon ka, pangutan-a pila ang kadaghanon sa sodium nga imong ginakonsumo kada adlaw.

- Likayi ang mga pagkaon nga giproseso ug mga fast foods, mga de lata nga mga sinabaw ug gulay, ug mga karne nga gipreparar daan para paniudto.

- Pangitaa ang mga pagkaon nga adunay label nga susama sa mosunod:
sodium free, salt free, very low sodium, low sodium, reduced or less sodium, light in sodium, no salt added, unsalted, and lightly salted.

- I-tsek ang mga label alang sa mga sangkap ug mga nagpahipi nga mga sodium, susama sa mga mosunod:

- sodium bicarbonate, ang kemikal nga ngalan sa baking soda
- baking powder, nga adunay sodium bicarbonate ug lain pang mga kemikal
- disodium phosphate
- monosodium glutamate, o MSG, o betsin
- sodium alginate
- sodium nitrate or nitrite.

Good luck!

Dr. Fritz

(Si Dr. Fritz Legarde Espedilla usa ka aesthetic dermatologist/surgeon ug clinical sexologist. Aduna usab siyay kahibalo ug training sa hypnotherapy ug sa Medical Acupuncture. Usa usab siya ka personalidad sa radyo nga sobra na sa dekada nga nagadagan sa kahanginan ug autor sa iyang libro nga “Healthy is Sexy Secrets ni Dr. Fritz”. Nagatudlo usab siya sa usa ka kolehiyo sa Pharmacy. Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o Sunstar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph