Miciano nagpakurat, moduwa na sab sa Bangkok Open

ANG bag-ong Dabawenyo ug pinakabata nga international master (IM) John Marvin Miciano, 17, nagpabilin nga nalipay sa iyang IM title human mikampeyon sa open under-18 sa Asian Youth Chess Championship niadtong Lunes gabii didto sa Lotus Pang Suan Kaew Hotel sa Chiang Mai, Thailand, moatubang na sab og bag-ong hagit sa Bangkok Open sa Abril 13 hangtud 21.

"Unexpected po na nag-champion ako kasi po first time ko pong sumali. Malalakas po players dito kasi, meron from India, Vietnam, China, Uzbekistan, Kazakhstan, Malaysia, Sri Lanka and Iran, etc. at sila sumasali dahil sa outright IM title for the under-18 category," sulti sa Senior High School graduate gikan Far Eastern University sa Facebook interview sa SunStar Davao.

Ang maong kadaugan gikan sa iyang most valuable player (MVP) award, board 1 gold medal ug mihatag sa FEU og three-peat championship daug niadtong Dominggo didto sa UAAP chess competition.

Iyang gipasalamatan ang iyang kalampusan si coach grand master (GM) Jayson Gonzales kinsang mitudlo kaniya sa milabay tulo ka tuig, "He (Gonzales) is instrumental for my improvement as a player. Malaking tulong din po at nakapasok po ako sa PSC developmental pool ng Philippine Team ng PSC under chairman William Ramirez and NCFP president Prospero Pichay, Jr."

Ang Dabawenyo magpakitang gilas na sab sa iyang ikaduha pakigtigi sa Bangkok Open ug target nga molambo ang iyang dinulaan.

"More of learning at improvement po ng level ng laro ko at sana po mag earn ng ratings," niya pa.

Sumala sa coach ni Miciano, nga target niini mahimong GM sa edad 20.

Suma niya nga kinahanglan pa niya maningkamot aron mahimong GM, "I still have to learn a lot, read more books, practice more, at sali ng sali ng tournaments."

Samtang, si National Chess Federation of the Philippines (NCFP) regional director James Infiesto, sa laing Facebook interview, miingon nga si Miciano may kapasidad mahimong GM.

"Definitely! He only needs 3 GM norms and a rating of 2400 to achieve d title. Their target is to be GM by 2020 with the guidance of his FEU Coach GM Jayson Gonzales, who is my batchmate and good frend in my National Juniors years," ni Infiesto nga midugang wala pay taga-Mindanao nahimong GM.

Ang unang Davao City IM mao si Marlo Micayabas gikan Toril kinsa kasamtangan nakabase sa Amerika gisundan ni IM Oliver Dimakiling sa Sasa.

"Both earned their IM titles way past their youth campaign age, 19 and above, thus, Miciano is the youngest Dabawenyo player to earn an IM title at age 17," pahayag ni Infiesto.

Sa pagkakaron, wala pa makadesisyon si Miciano kung unsa kurso ang iyang kuhaon sa kolehiyo sa pagsugod og klase sa Agosto sa FEU.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph