Albor: Unsay gitanom maoy maani

HAYAN mapapas sa talaan pagka-senador si Leila de Lima human nga ang Kabayan representative nga karon Presidential Spokesperson Harry Roque Jr. misang-at og kaso batok sa senadora nga nangilkil og kwarta gikan sa druglord Kerwin Espinosa ug sa mga high profile inmates sa New Bilibid Prison (NBP) nga sila si Jaybee Sebastian, Peter Co, Herbert Colanggo, Engelberto Durano, Jaime Pacho, Noel Martinez ug Noel Arile.

Lakip sa mitestimoniya batok ni de Lima mao sila si kanhi NBI Jovencio Ablin Jr., kanhi Bucor Chief Rafael Ragos, driver-lover-bagman Ronie Dayan ug security aide-bagman Joenel Sanchez. Si de Lima nabilanggo sa Camp Crame maoy mipuli sa selda ni Sen. Juan Ponce Enrile duol sa selda nila ni Sen. Bong Revilla ug Jinggoy Estrada nga iyang gipabilanggo sa siya pay justice secretary panahon ni Pres. Noynoy Aquino.

Unsay gitanom maoy maani. Nalutsan og warrant of arrest Peb. 23, 2017 ni Judge Juanita Guerrero sa RTC Branch 204 sa Muntinlupa City ubos sa kasong kalapasan sa Comprehensive Dangerous Drugs Act ug laing warrant of arrest Hunyo 21, 2017 sa gihuptan ni Judge Amelia Fabroz-Corpuz sa Branch 205.

Duna pay laing kaso nga gihuptan ni Judge Patria Manalastas sa Branch 206. Maoy nagduso sa korte ang DOJ subay sa mga kaso nga gisang-at sa kanhi NBI executives Ruel Lasala ug Reynaldo Esmeralda, Volunteers Against Crime and Corruption ug NBP inmate Jaybee Sebastian. Nalakip sa warrant of arrest sila si Ronie Dayan ug kanhi Bucor Chief Rafael Ragos.

Sa inbestigasyon sa kongreso namatud-an nga drug protector si de Lima nga nakadawat og minilyon ka pesos lakip na sa gigasto sa pagdagan og senador. Subo nga palandongon nga iyang nasinati ang mapait nga kasinatian sa iyang gipapriso nga sila si kanhi Pres. Gloria Arroyo, mga senador Enrile, Revilla ug Estrada.

Dakog papel usab sa pagpalagpot ni Supreme Court Chief Justice Renato Corona. Kahinomdoman nga samtang si Arroyo dunay kasong plunder gitugotan sa Supreme Court nga makapatambal sa iyang sakit sa liog ngadto sa laing nasod.

Didto na sa airport si Arroyo apan gipugngan sa gamhanang de Lima timaan nga wala tahora ang labawng hukmanan. Karon mitiyabaw si de Lima nga political vendictiveness ang pagpanglutos ngadto kaniya. Tawgon kinig karma o gaba. Ning ulahi ang Free Leila Movement nagpasiugda og signature campaign nag-awhag sa dinaliang pagpagawas ni de Lima gikan sa bilanggoan nga ilang iduso sa Supreme Court. (csa_1156@ya­hoo.com/0916-734-5737)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph