SECTIONS
Saturday August 18, 2018

300 moapil sa cross-channel race

ANAA sa 300 triathletes ang gilauman moapil sa AirAsia Durianman, usa ka cross-channel triathlon race kabahin sa pagsaulog sa selebrasyon sa isports, arts ug party sa Visit Davao Summer Fest (VDSF) nga sugdan karong Abril 29, gikan Davao City hangtud Island Garden City of Samal (Igacos).

Si race director Eustaquio "Stax" Savellano of Triathlon Association of Davao (Triad), kinsa bisita sa Davao Sportswriters Association (DSA) Forum didto sa Annex of SM City Davao niadtong Huwebes, miingon nga kasagaran atleta gikan sa India, Europe ug Indonesia nga magkontra sa 1.5km swim, 40km bike ug 10km run cross-channel race.

"But majority of the participants will come from different cities of the Philippines," niya pa.

Ang rota sa langoy magsugod sa Sasa Wharf padulong sa Club Samal Resort dayon sundan sa pagbisikleta.

Mga atleta kinahanglan mohuman og duha ka tuyokan sa bike diin moagi sila padulong Peñaplata.

Dugang ni Savellano nga si reigning champion Jonard Saim sa Sarangani Province modepensa sa iyang titulo batok nila Jong Sajulga, Peter Villocino ug Tophe Eyao sa men's elite division.

Samtang, si En Torres ang modepensa sa babaye.

Ang mokampeyon sa duha ka dibisyon makadawat og P25,000 samtang ang sunod duha ka puwesto mouli og P15,000 ug P10,000.

Anaa sa 15 ka age groups ang karon edisyon ug sa mga interesado mahimo magparehistro sa Air Asia Durianman Triathlon. (MRP)


VIEW COMMENTS