SECTIONS
Monday, September 16, 2019

Nalzaro: Lain nga anomaliya sa Kapitolyo

LAIN na usab nga anomaliya ang naghamok karon sa Kapitolyo nga wala gihapon aksiyoni ni Gov. Hilario Davide III. Kini may kalabutan sa misteryosong pagpagawas sa nasakmit nga mga butane products, mga ekipo ug materyales sa paghimo og butane gikan sa LPG. Didto gi-impound ang maong mga materyales sa Balili property sa dakbayan sa Naga.

Ang Kapitolyo ug ang Department of Energy (DOE) milagda og kasabutan nga maghimo og hini-usang kampaniya batok sa nanghimo og butane canister kay delikado kaayo kining maong produkto. Mao kini kasagarang hinungdan sa sunog.

Niadtong miaging tuig, dag­­han ang nakompiskar sa mga tinugyanan aa DOE ou kapulisan sa Minglanilla. Ang ilang nakompiskar didto temporaryong gi-impound o safe keeping sa Balili property.

Samtang nagpadayon pa ang kaso batok sa tag-iya sa maong mga produkto sa korte kay gikiha man ang tag-iya, kalit lang nangahanaw ang nakompiskar nga materyales. Matod pa adunay usa ka opisyal sa Kapitolyo ang mimando nga i-release ang maong mga butang ug i-uli sa tag-iya kay nakamulta na ug nahuman na ang kaso. Apan ang tinud-anay wala pa.

Ambot og duna bay kasayuran si Davide niini. Wala nay mo-angkon kon kinsa ang mimando sa pag-release. Dako kining anomaliya, apan wala gihapon hatagi og pagtagad sa gobernador. Ingon ana na ba lang ka pahoy kining atong gobernador nga wala magpakabana ug magtagad aa mga binoang sa Kapitolyo? Bisan dayag na kaayo nga adunay daghan ang mga nagbinoang, labi pa sa iyang nga sinaligan?

Dili kini ang unang higayon diha nga wala maggunok ang gobernador bisan pagpa-imbestigar man lang. Ang pagpagawas usab sa culverts o im­­burbal gikan gihapon sa Balili property nga nahapunta sa usa ka private subdivision. Mani-obra kadto ni Provincial Administrator Atty. Mark Tolentino. Tiaw ba nimo nang didto gidala ni Tolentino sa ilang village ug gigamit aron pagsulbad sa ilang problema sa baha. Wala man siya mananghid sa gobernador o mosunod sa proseso. Wala ma-uwaw si Tolentino niadtong iyang gihimo. Naa poy pahoy nga gobernador, wala paimbestigaha. (bobbygnalzaro@gmail.com)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph