Comelec mihangyo sa mga molansar sa Sangguniang Kabataan

MIHANGYO ang Commission on Election (Comelec) dinhi sa dakbayan sa Cagayan de Oro sa mga moduso sa ilang kandidatura sa Sangguniang Kabataan (SK) alang sa umaabot piniliay nga unta anaa sila sa saktong edad.

Kini human sa ilang nasinati sa unang adlaw sa pagduso sa certificate of candidacy (COC) diin usa ka 16 anyos ang niduso sa iyang kandidatura.

Si City Comelec Officer Atty. Ramil Acul nga nahinabi sa SunStar SuperBalita mihanyo sa nagtinguha modagan pagka SK nga mosubay sa omnibos election code sa saktong edad nga modagan aron dili mausik ang ilang oras.

“Manawagan ta lagi mi nga katong sakto ra gayud sa edad ang mag file ug rehistrado ba gayud kay aron dili makawang ang ilang panahon nga magfile sila, disqualified naman gayud na automatic unta bawalan man mi dinhi lage nga mag disqualified dawaton namo” matod ni Acul.

Nasayran nga ila gihapon kining dawaton bisan pa man nga diskwalipikado kini kay lage ministerial man apan makawang lang ang ilang pagduso sa kandidatura ug makadugang usab kini sa gimbuhaton sa trabaho sa Comelec.

Usa sa mga nagduso sa iyang kandidatora isip SK chairperson sa ikaduhang adlaw sa filing sa CoC si Jessie Vill Lumba, 23 anyos sa Barangay 22 ning dakbayan kinsa buot nga magpapili aron nga bag-uhon ang mga patakaran sa ilang Barangay ug makahimo og programa alang sa mga kabatan-onan.

“Naa’y mga patakaran nga gusto namo mabag-o diha sa among Barangay, programa para sa mga youth,” pahayag ni Lumba.

Nasayran nga ang bag-o karon nga polisiya mao nga ang mamahimong modagan isip SK kinahanglan nga aduna’y pangidaron nga 18 ngadto na sa 24 diin tumong niini nga aduna na’y kaugalingon nga baruganan diha sa paggamit sa ilang pundo ug dili na mabut-an ang mamahimong molingkod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph