Buntis nga NPA naangol sa giyera

IMPASUGONG, Bukidnon -- Luwas na ang nga kahimtang sa kamot sa mga sundalo ang babaye nga lima ka bulang buntis kinsa gituohang miyembro sa New People's Army (NPA) nga gibiyaan sa mga kaubanaan human sa baynte minutos nga giyera.

Ang engkuwentro natigayon alas 2 sa hapon niadtong Sabado didto sa Sitio Ulayanon, Brgy. Kalabugao, Impasugong, Bukidnon.

Ang buntis giila nga si Susan Cabusao Guaynon, 22.

“We will inform the direct family of Susan and will see to it that she receives the medical treatment needed in coordination with the local government of Impasugong and the province of Bukidnon. It is to show that the government respects Human Rights and International Humanitarian Law,” sulti ni Lieutenant Colonel Ronald Illana, Commanding Officer sa 8th Infantry Battalion.

Nasayran nga gibiyaan lamang sa iyang mga kaubanan nga NPA si Susan kinsa samaron ug nangayo'g pakitabang human maigo kini sa bala.

Narekober sa militar sa nahitaboan sa engkuwentro ang duha ka mga AK47 rifles, usa ka AR18 rifle, usa ka cal. 30 M1 Carbine rifle, usa ka M4 rifle, usa ka air gun ug 30 ka mga backpacks nga puno og mga subersibong mga dokumento ug mga personal nga gamit nga iya sa mga NPA.

Ang engkuwentro natigayon human sa gipakusgan nga focused military operation sa 403rd Infantry Brigade sa maong dapit.

"It is shameful that NPA terrorists leaving a wounded and pregnant woman in the mountains after the clash with 8IB troops. They should be the one looking after her especially that she is pregnant and she needs monthly check-up,” sulti ni Brigadier General Eric Vinoya, Commander sa 403rd IB.

Related Stories

No stories found.
SunStar Publishing Inc.
www.sunstar.com.ph