SECTIONS
Monday July 23, 2018

Tambagi ko Noy Kulas: Duha gyud

Dear Noy Kulas,

Dugay na unta kong mosuwat nimo pero nauwaw ko until nakabasa ko last week sa problema nga pareho sa akong situation. Usa ko ka lesbian. Pero kuyaw ang akong situation kay duha ang akong ka relationahip.

Ang akong uyab mao ang akong first cousin nga babaye. High school pa ming uyab pero nagtuo ang among family nga suod ra mi kaayo. Wa mi magdahom nga moabot mi og more than 20 years kay bisan minyo na siya, magkawatkawat gihapon mi og kita ug duna gyud mahitabo namo.

Ang usa nako ka relationship lalake, pero mahug ra ning panguwarta ang akoa. Kining mao nga lalake minyo ug 55 years old na. Maguwang kaayo nako. Nagsugod ra ning amoa sa sungogsungog hangtod natinuod. Pero di ko mosugot nga mag sex mi kon way kwartang involved kay kusog siyang modatung. Mga 5 years na mi niya ug way nagtuo nga uyab mi kay lalaki ko og porma.

Gusto na kong molingkawas unta aning duha ka relationships but maglisod ko og likay kay love nako ang akong cousin. Kini sang lalaki kay maoy akong kuhaan og para lingawlingaw. Unsa may imong ikatambag, Noy? Nag need ko og guidance nimo.

JEMY

Jemy,

Kinahanglan nga imong biyaan ang duha nimo ka mga relasyon tungod kay mas makaguba kini nimo kay sa makaayo. Unsa kahay mahitabo kon masakpan mo sa imong ig-agaw ni bisan kinsa nga sakop sa inyong pamilya. Dako kaayo na og epekto sa inyong pamilya kon mahitabo man. Wa bayay makumkom nga aso. Hayan wa pa mo masakpi karon, apan tingali sa umaabot mahitabo na. Ayaw paabota nga moabot nang higayuna. Pag-estorya mong duha aron dunay klarong closure ninyo.

Kon kwarta ra ang imong giapas anang tawhana, nganong di ka man mangitag laing income stream? Kana bang wa na kinahanglanang makigdug ka pa nianang tawhana tungod lang kay makahatag siya nimo sa imong pinansyal nga panginahanglan. Mao gihapon, kon moabot ang panahon nga makahibawo ang pamilya, dako gihapon ang problema. I know lisod ning buhaton kay sa sultihon, apan gikinahanglan kining pagabuhaton mo kon naglantaw ka sa long term nga kaayuhan alang sa imong kaugalingon.

NOY KULAS

(Alang sa imong problema, e-mail sa kulassuper@sunstar.com.ph ug rojval69@yahoo.com)


VIEW COMMENTS