SECTIONS
Wednesday, December 19, 2018

Roldan: Ayaw abusoha ang Central 911

USA sa mga gidayeg ug ikapasigarbo sa dakbayan sa panahon sa mga Duterte ang Central 911.

Pasilidad kini nga pang-emerhensiya nga sa usa lamang ka pagpindot sa telepono o cellphone matabangan na ang nanginahanglan sa panahon sa emerhensiya.

Pipila lamang ka siyudad sa tibuok kalibutan ang anaa niini nga pasilidad. Suwerte kita nga anaay mga "visionaries" sa local nga kagamhanan nga nakahunghong sa mga kadagkoan aron mo-invest niini.

Unta madayon pa ang "express way project" o tren nga gikan sa Digos City sa kasadpan ngadto sa Tagum City hasta ang "monorail" o "bus rapid transit" (BRT) sulod sa Davao City, mega harbor sa Davao Gulf, sementadong tulay gikan sa Sasa ngadto sa IGACOS, "universal free internet access" sa tanang pampublikong dapit, usa ka medical doctor, dentista ug social worker matag barangay, nindot ug luwas nga "bike lane" sa tanang dalan, "underground electric wiring system," paggamit sa "renewable energy" gikan sa tubig, adlaw ug hangin sa mga sakyanan, buhatan ug gambalay nga iya sa gobyerno, paggamit og helicopter sa "emergency rescue mission", pagpakusog sa industriya sa herbal ug alternatibong tambal sa Pilipinas, pagbalik sa steel industry, ug uban pa.

Nagkinahanglan kini og lahi nga tipo sa tawo aron mamugna kining maong ideya ug panghunahuna samtang nagkinahanglan usab kini'g kusgan ug may "political will" nga liderato aron mapundohan ug mapatuman.

Karon na usab tingali nga panahon sa mga Duterte nga hingpit nang matuman ang damgo ni anhing Pres. Ferdinand E. Marcos ug iyang asawa nga si Kongresista Imelda R. Marcos sa pag-ani sa deuterium o "heavy water" nga magamit isip dili mahurot nga kahinguhaan sa enerhiya nga makita lamang sa pinakalawom nga dagat palibot sa Pilipinas.

Hingpit na usab nga mahatagan og pagtagad ang mga imbensiyong Pinoy nga wa masikat tungod sa kakulang sa pundo ug suporta gikan sa kagamhanan sama sa "hydrogen-fed engine", suga nga gipasiga sa tubig sa dagat, ug daghan pang uban.

Nagkinahanglan lang og saktong tighunghong ni PRody Duterte sa Malacanang aron mapatuman kining mga pinasahe ug "out-of-the box" nga solusyon sa daghang problema ug oportunidad sa nasud.

Wa pa gani nato maapil ang dakong pundo sa lana sa Mindanao ug "rare earth elements" sa Palawan nga magamit sa industriya sa electronics, magnet ug makinarya.
Apan sa laing bahin, naay pipila ka tawo nga maingon nato nga nag-abuso sa serbisyo sa Central 911.

Sa akong paghinabi ni Jay, usa ka nurse nga operatiba nga na-assign sa Cabantian Central 911 Station nga naay higayon nga gihimo na silang Taxi sa mga tawo.
Anaay motawag nga bisan dili emerhensiya ug magpasundo lang aron ihatud sa gusto nilang adtoan.

Anaay buntis nga nagpakuha ug nagpahatud na sa ospital, kauban sa iyang bana ug mga paryente bisan dili pa panahon sa pagpanganak ug puwede rang mosakay og pampublikong sakyanan.

Anaa poy mga motawag nga nagbinuang ra ug dili tinuod ang gi-report nga emerhensiya.

Sugyot pa ni Jay nga unta adunay "massive information campaign" nga nagpasabot tahas sa Central 911 ug unsa ang tinuod nga emerhensiya. Calling tukayo Jaldon.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!