SECTIONS
Tuesday, April 23, 2019

Di sirhan sa Kapitolyo ang Osmeña Peak

WAY plano ang Kapitolyo alang sa temporaryong pagsira sa Osmeña Peak, taliwala sa pagkadisgrasya sa usa ka turista nga nag-selfie niadtong Sabado.

Ang Provincial Tourism Council makigtagbo sa Department of Environment and Natural Resources (DENR) aron tukion ang isyu sa ownership sa luna, diin mahimutang ang sikat nga destinasyon.

Gusto ni Gob. Hilario Davide III nga dunay mga signage nga ibutang sa Osmeña Peak ug sa ubang tourism ug adventure destinations sa Sugbo labot sa mga angay ug di angayng buhaton sa mga turista.

Kini human ang insidente sa pagkahug sa usa ka babayeng Chinese tourist, nga na-outblanced samtang nag-selfie sa tumoy sa Osmeña Peak, niadtong Sabado.

Dali nga na-rescue sa mga local responder sa Dalaguete ang langyaw ug anaa na kini karon sa luwas nga kahimtang.

Bisan sa disgrasya, di uyon ang gobernador nga sirhan ang destinasyon.

Gipahinumdoman hinuon niya ang mga turista nga magmabinantayon aron makalikay sa disgrasya.

Bisan og gusto sa Kapitolyo nga magbutang og permanenteng tourist center duol sa Osmeña Peak alang sa first aid ug uban pang katuyuan, di sila makahimo niini tungod kay may mga grupo ug indibidwal nga maoy gitugyanan pag-atiman sa lapad nga luna.

Ang ALU-TUCP naghupot og Tree Farm Lease Agreement tali sa DENR nga balido sa 25 ka tuig ug gi-okupahan nila ang dakong bahin sa peak sa Brgy. Dugyang, Dalaguete ug Brgy. Patong, Badian.

May mga pribadong indibiwal sab ang nagtinir og certificates of tenure gikan gihapon sa DENR alang sa ilang pagpananom ug mga utanon sa dapit.

Nunot niini, gipadayag ni Bise Gob. Agnes Magpale nga makigtagbo ang Provincial Tourism Council sa DENR aron pagtuki niini.

Buot niya nga himuong holistic ang pag-atiman sa tanang turista nga mobisita sa dapit.

“We will not regulate selfie. What we will regulate is asa sila mag-selfie,” niingon si Magpale.

Ang Provincial Disaster Risk Reduction and Management Office (PDRRMO) nihangop sa paspas nga pagresponde sa Dalaguete local responder sa nahitabo sa langyaw.

Nagtuo ang PDRRMO ang kinahangang butangan og emergency responders ang tanang tourist destination sa Sugbo. (AZDL)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!