SECTIONS
Friday August 17, 2018

Lonzon: Davide ug Osmeña

BISAN asang dapita ka dinhi sa siyudad sa Sugbo, makawot ang dili angayang kawton gumikan kay grabe na kaayo ang problema sa trapiko.

Tungod niini, mihimo si Cebu City Mayor Tommy Osmeña og mga lakang sa pag- impound sa mga sakyanan nga makalapas sa counter flowing nga usa sa mga nakamugna sa trapik.

Nakatabang man tuod ang maong lakang apan di pa paigo kay sama sa gihapon trapik pa kaayo bisan og nadisiplina na ang mga nakalapas sa lagda batok sa counter flow.

Gani gusto na ni Tomas nga mapatuman ang Bus Rapid Transit ( BRT ) sa pagtuo nga makatabang sa pagsulbad sa trapik.

Apan unsang pagka buta­nga gisupak man ni Michael Dino, ang presidential assistant for the Visayas ni Presidente Rodrigo Duterte.

Ang gusto ni Dino ang Light Rail Transit( LRT ) kon train. Kon di magkasabot ang duha ang katawhan ang masakripisyu sa problema sa trapik.

Kon mao ni, ang duha nalang ang ipatuman (BRT ug LRT) aron masulbad lang kining dugay na kaayong problema.

Pagsamok­smok ang gihimo ni Dino tungod sa pulitika. Kini unta nga problema magtinabangay ug isalikway ang pulitika.

Ngano man lagi pabor man si Rama sa BRT sama ni Osmeña, nga kining duha maoy nunero unong kaaway sa pulitika?

Mas maayo pa si Gobernador Junjun Davide, nakahimo og lakang aron sa pagsulbad sa problema sa trapik sa Metro Cebu Areas.

Naghulma gilayon ug team sa pagpanguna ni Joy Tumulak aron sa pagtubag sa reklano sa katawhan nga naapektahan sa problema sa trapik sa Talisay City, Minglanilla, Naga City sa south district.

Ug ingon man ang kahuot sa trapiko sa Norte nga bahin. Gikan sa siyudad sa Mandaue, Consolación ug Liloan.

Way babag ang tinguha ni Davide kay gisuportaan man kini nila ni besi Gobernador Agnes Magpale ug mga board member ug mismo sa mga mayor.

Gusto man sab hinoon nila besi mayor Edgardo Labella, kuyog iyang mga Konsehal nga kaatbang sa pulitika ni Osmeña, madali ang kasulbaran sa trapiko.

Subay niini, gusto sab sa mga sakop sa hunta provincial sa Sugbo sa liderato ni Magpale, ang pagpatuman sa clamping. Kin human mihimog kortesya si Joy Tumulak atol sa Caucos.

(Email: efren_lonzon@yahoo.com Text 09235562777)


VIEW COMMENTS