Bulletproof vest miluwas sa pulis

BULLETPROOF vest maoy nakaluwas sa pulis nga nagpaka aron-ingnon nga buyer og shabu human gipusil sa pusher nga iyang gika-transact kagahapon sa kadlawon.

Apan nakabsan sa iyang kinabuhi ang “newly identified drug pusher” sa Barangay Poblacion, dakbayan sa Lapu-Lapu kinsa namusil og una sa pulis dihang nakatimaho nga usa diay ka buy-bust operation ang transaction.

Patay nang nadangat sa tambalanan si Ariel Oronan, hamtong ang pangidaron nga taga Purok Yakal, Barangay Poblacion, dakbayan sa Lapu-Lapu.

Samtang nakaipsot ang kauban ni Oronan nga naila lang sa alyas nga Kano kinsa nakigpinusilay sa mga operatiba sa dihang nabulabog ang operasyon.

Ang Police Station 3 sa Lapu-Lapu City Police Office inabagan sa Philippine Drug Enforcement Agency (PDEA)7 nihimo og buy-bust operation batok sa ilang subject nga si Oronan.

Sa dihang nagbinayloay na sa drugas dayon mitunol og bayad ang poseur buyer, nakabantay ang subject nga pulis diay ang iyang gikaatubang hinungdan nga dali kining mibunot sa iyang giluklok nga armas dayon pusil sa buyer nga diha pa sa iyang atubangan.

Maayong pagkaigo sa tiyan ang pulis (wa ipa-ila) apan wa kini madutli tungod sa gisul-ob nga bulletproof vest ug wa makalapos ang bala diha sa iyang lawas.

Apan ang ubang operatiba nga naglibot sa Purok Orchids, Barangay Looc diin gihimo ang operasyon ang mibawos sa pagpusil ni Oronan kinsa suway nga mi-eskapo, apan wa na makapalayo pa sa dihang nahagba human naigo.

Ang kauban ni Oronan nga nailhan nga si Kano nga maoy midawat sa buy-bust money ang nakaipsot samtang nakigpinusilay sab sa mga pulis dayon misud sa suokon ang bahin sa lugar.

Nakuha sa kapulisan ang shabu nga adunay gibug-aton nga 9.16 gramos nga gibana-bana nga nagkantidad og P108,000 lakip na ang .357 revolver nga Smith and Wesson gikan sa posisyon ni Oronan.

Ang Special Weapons and Tactics (SWAT) mao nay mihimo og hot pursuit operation batok niadtong suspek nga naka-eskapo. (FVQ)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph