Milagro wa nademolis

DAVAO. Makita sa hulagway nga mga menor de edad ang nag-atang sa mga demolition team ug makita sa usa ka hulagway ang usa ka inahan kinsa kauban nga nag-ampo aron di mahinayon ang pag-demolis sa dul-an 200 ka mga balay sa Quezon Boulevard, Salmonan, Barangay 26-C, Davao City, kagahapon. (Mark Perandos/Macky Lim)
DAVAO. Makita sa hulagway nga mga menor de edad ang nag-atang sa mga demolition team ug makita sa usa ka hulagway ang usa ka inahan kinsa kauban nga nag-ampo aron di mahinayon ang pag-demolis sa dul-an 200 ka mga balay sa Quezon Boulevard, Salmonan, Barangay 26-C, Davao City, kagahapon. (Mark Perandos/Macky Lim)

NAHIMONG emosyonal ang mga residente sa Quezon Boulevard, Salmonan, Barangay 26-C Poblacion, dakbayan sa Davao, kagahapon human giingong moabot na ang sheriff ug ang demolition team aron sila demolison, apan wa maabot ug giagi nalang nila sa pag-ampo.

Buntag pa sayo kagahapon nagsugod na og tapok ang mga residente gumikan dunay istorya nga moabot ang sheriff ug demolition team.

Pagka-alas 12 sa udto miabot ang dispersal team sa Davao City Police Office (DCPO) sakay sa napulo ka mga mobile patrol aron sila ang mopatunga ugaling dunay matigayong tensyon.

Pag-abot sa mga pulis nagkayagaw ang mga residente ug nangandam ugaling mahitabo ang demolisyon ug miapela sa ilang hangyo kang Davao City Mayor Sara Duterte-Carpio.

Usa sa mga miapela mao si Barangay 23-C Kapitan Alimoden 'Wating' Usman kinsa nahimong emosyonal sa paghangyo sa Mayor ug nanawagan nga di pahawaon sa dapit ang iyang mga Kabaro nga Maranao.

Luyo sa naunang pamahayag sa Mayor nga kinahanglan respituhon ang migula nga 'writ of demolition', ang mga residente wa manumbaling sa pahibalo, inay ilang pakigbisogan ang ilang giingon natawhang luna ug ilang gipuy-an sud sa saysentay singko na ka mga katuigan.

Nagpadaplin lamang ang dispersal team sa DCPO ug Special Weapons and Tactics (SWAT) ug nagpahigayon og pag-ampo ang mga residente nga Maranao tunga sa National Highway sa Quezon Boulevard.

Kahinumdoman ang DCPO daan nang nagpahimangno sa mga residente

nga di lamang pasakitaan ang mga pulis atol sa demolisyon.

"Pag-inatake nyo na ang mga pulis ko, tapos masusugatan na sila, baka delikado na mamatay, pasensiyahan na tayo, I will implement the police operational procedure," naunang pamahayag ni DCPO director Sr. Supt. Alexander Tagum human migula ang writ of demolition nga gipamahayag sa Mayor.

Sa kasamtangan giigmat sa kapulisan sa DCPO ang dispersal team luyo sa istorya nga nangandam og mga bakal, bato ug botelya ang mga residente nga maoy ipanglabay kung maabot na ang demolition team.

Gibutyag sab ni Davao City Vice Mayor Bernard Al-ag nga wala na silay mahimo niini gumikan migawas na sa korte ang order.

"The court issued a writ of execution pasabot gi-execute na gyod ang order sa court. The court also coordinated with the DCPO, and the City government with these, ma-execute ang demolition today [Abril 17, 2018]," sulti ni Al-ag sa pakighinabi sa mga tigbalita kagahapon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph