SECTIONS
Wednesday, July 24, 2019

Bayot nga maestro miabuso og player

VIGAN CITY, ILOCOS SUR - Imbes nga maglingaw og tan-aw sa nagkadaiyang duwa sa Palarong Pambansa 2018, nag-atubang na hinuon og problema ang usa ka bayot nga maestro human siya giingong nangmolestiya og 14-anyos nga lalakeng tinun-an sa laing delegado sa Region 3 (Central Luzon Regional Athletic Association).
Ang suspek nga si June (di tinuod niyang ngan), 28, magtutudlo sa Special Education (SPED) sa Zapatera Integrated School sa dakbayan sa Sugbo.

Matod sa hepe sa Caoayan Municipal Police Station nga si Senior Insp. Frederico Artates nga alas 8:30 sa gabii niadtong Martes dihang nakadawat ang ilang estasyon og impormasyon kabahin sa reklamo batok kang June.

Giingong gihagkan niya ang grade 9 student sa usa ka national high school sa Olongapo City, kinsa dance sport athlete.

Base sa ilang pasiunang pakisusi, gakuyog ang 14-anyos ug laing 15-anyos nga lalake paingon sa comfort room (CR) aron mangihi.

Sa NSCC Plaza Hall nahi­tabo ang insidente tungod kay didto ang venue sa dance sport event sa Palaro nga nahimutang sa Brgy. Don Alejandro Quirolgico.

Gigakos ug gihagkan sa maestro ang 14-anyos sa liog ug lawas ug daw gisuwayan niya og pangutana kon pila ang bayad sa pagkighilawas.

Gibutyag usab ni Artates sa tigbalita kagahapon nga sa wa pa ang insidente, nagpa-picture ang maestro sa tinun-an.

Gi-review dayon sa kapulisan ang losed-circuit television (CCTV) copy sa establisemento ug didto positibo nga gitudlo sa biktima si June.

“Ni-review namin yung CCTv dun namin nakita, itinuro na siya yung nagmolestiya sa kanya,” si Artates nagkanayon.

Dihang gisuwayan sa Superbalita Cebu pagkuha ang ha­big ni June, ang tubag niini, “no comment lang sa ko.”

Kagahapon gipaubos na sa inquest proceeding sa Vigan City Prosecutor’s Office si June ug naabtan kini sa tigbalita nga nidangop sa Public Attorney’s Office.

Si Dr. Juliet Jeruta, Department of Education (DepEd) 7 regional director, sa iyang bahin, niklaro nga way apil sa delegasyon si June ingon man wa mopuyo sa ilang billeting.

Dugang niya nga maglisod sila og tabang sa maestro kinsa nasayran nga usa ka tuig na nga Sped teacher sa Zapatera Integrated School.

Kasong kalapasan sa Republic Act 7610kun acts of lasciviousness ang atubangon sa maestro kinsa karon padayon nga natanggong sa prisohan.

Ipapabalhin

“I will take very decisive action but the DECS (now Department of Education) really get rid of this teacher immediately. Transfer him to Tawitawi, Marawi. I don’t care, basta not here,” padayag ni Mayor Tomas Osmeña kabahin sa maestro.

Ang mayor niingon nga ang maong matang sa hitabo di lang sa Pilipinas kon di uso usab sa America apan dili siya motugot nga magpada­yon kini nga buhat.

Si Konsehal Joy Young, chairman sa committee on education, nihulagway nga nakahatag kini og dili maayong imahe sa delagasyon sa Central Visayas labi na sa Cebu City.

Matod pa ni Young nga way labot sa delegasyon sa Region VII ang maestro apan lakip siya sa grupo sa Cebu City nga niadto sa CVRAA sa Bohol sa nakalabay nga mga buwan.

Nagtuo ang deputy mayor on education nga di lang kini ang unang higayon nga gibuhat sa maong magtutudlo ang maong matang sa pagpakauwaw.

“Mao lagi basin nahimo na niya sa Bohol. Kanang gihimo niya kalma ra kaayo moadto (sa lugar) gihagad diretso (ang bata) unya mangutana ra og pila. So, sa ato pa suhito na siya ana, dili kay gihimo nana niya didto (sa Vigan), gihimo nasad na niya sa Cebu City,” pangagpas ni Young, kinsa tua karon sa Vigan nga nag-atiman sa mga atleta gikan sa dakbayan. (Dugang ni PAC)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph