ANG numero uno nga American diner nga Denny’s niabli sa ilang unang kan-anan dinhi sa Sugbo.
Anaa ni nahimutang sa ground floor sa Robinson’s Galleria sa dakbayan sa Sugbo, ug mao ni ang unang branch gawas sa Luzon.
Matod ni Chanky Tiango, sa The Bistro Group nga maoy nagdala sa mga sikat nga casual dining sa nasod, nga susama sa Denny’s sa Estados Unidos ang ilang gi-ablihan sa Sugbo niadtong Marso 12.
Nag-serve ang Denny’s sa imong mga kinaham nga pagkaon sama sa ilang nabantog nga pancakes, pasta ug burgers.
“A part of it we have to blend with the Filipino favorites but other than that, it’s all American,” matod ni Tiangco kalabot sa ilang menu.
Matod niya, anaa say mga silog meal ang Denny’s nga paniguradong mopatok sa panlasa sa mga Bisaya.
Ang bestsellers mao ang skillets ug patros.
Gipanghambog sa management sa Denny’s nga kon unsa kadako ang serving nga makita sa ilang menu mao sab ang ang tinuoray nga i-serve.
Plano sa The Bistro Group nga magbutang unya og laing branch sa Cebu ug sa Mindanao sa ikaduhang quarter sa 2018.
Abli ang maong kan-anan gikan sa alas 7 sa buntag hangtod sa alas 10 sa gabii.