SECTIONS
Tuesday, May 21, 2019

LRT dili pa mapatuman: Pernia

DILI pa mapatuman sa sunod tuig ang Metro Cebu Light Rail Transit (Cebu LRT) sumala ni National Economic and Development Authority (Neda) Secretary Ernesto Pernia, sukwahi sa pangangkon sa proponent sa proyekto nga masugdan kini og tukod sa sunod tuig kon mahikay na ang gikinahanglang mga dokumento.

“It will take a long time, feasibility study one year. We’ll go through the process maybe another year. So, matagal ‘yon eh, the construction maybe 10 years,” pahayag ni Pernia sa pakighinabi sa mga tigbalita atol sa Philippine Economic Briefing kagahapon sa Marco Polo Plaza.

Si Department of Transportation Assistant Secretary Mark Steven Pastor namulong nga ang unsolicited proposal alang sa Cebu LRT kay dunay mga kuwang sama sa dili kumpleto ang feasibility study nga giduso sa proponent.

Matod niya, ang gisumitir nga feasibility study kay makonsiderar nga pre-feasibility study.

“We’re still waiting for subsequent unsolicited proposal if there will be any,” pamulong ni Pastor.

Ang kalihim sa NEDA nitug-an nga magtigom sila sa sunod semana sa mga sakop sa Investment Coordination Committee-Cabinet Committee sa NEDA diin tukion ug desisyonan ang kapalaran sa BRT.

Siya nipasabot dili lang siya ang mohukom bahin sa BRT sanglit usa sila ka collegial body.

Si Cebu City Tomas Osmeña sa iyang bahin namulong nga kini nagpakita nga si Presidential Assistant for the Visayas Michael Dino namakak.

Ang mayor nipasangil nga si Dino ang hinungdan sa duha ka tuig nga pagkalangay sa pagpatuman sa BRT system kay gipangtaktak ang mga staff nga nagpatuman niini ug wa ilisi.

Kagahapon, si Osmeña ug Pernia nagkaabot sa Philippine Economic Briefing ug ang BRT ang usa sa ilang nahisgutan.

Sumala ni Pernia kon short term nga solusyon ang tan-awon sa suliran sa kahuot sa dagan sa trapiko sa Sugbo, ang Bus Rapid Transit (BRT) system ang tubag kay andam na kining ipatuman, diin maghatag kinig 53 porsyento nga economic internal rate return.

“Meaning that project, once completed would alleviate a lot of wounds and pains of the riding public,” dugang sa kalihim.

Samtang, ang LRT system alang niya maoy long term nga solusyon kay magpaabot pa og 10 hangtod sa 15 ka tuig sa dili pa mahuman kay manginahanglan pa kini og feasibility study.

Si Pastor nidugang nga u­­bos sa build-operate-transfer (BOT) Law isip unsolicited proposal, way iapil nga guarantor sa gobiyerno.

Siya nipasabot nga isip unsolicited proposal, dunay pribado nga proponent nga maoy mopatuman sa proyekto nga dili na manginahanglan og garantiya gikan sa kagamhanan.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!