Talk to Papa Joe: Asa ang forever

Dear Papa Joe,

Ako si Jonalis, 36 na ang edad. Ang akong problema mahitungod sa akong uyab nga seaman. Namaye na siya nako ug nagsabot mi nga magpakasal karong tuiga. Apan, sukad siya nibiya mga duha na siya ka tuig hapit wa nagparamdam nako. Bisan sulat wala, pero makig communicate siya sa iyang mga ginikanan. Nakapangutana ko kay bisan sa gamayng higayon, wa siya magpakabana nako.

Akong gipangutana iyang mga ginikanan og unsa man. Matod sa iyang parents nga maghuwat lang ko kay tingbon lang. Di ko bata nga trataron og ing ani. Nagkinahanglan sab ko og kasiguraduhan nga naa pa ba koy hulaton. Kay ang kanhi ra ba niya iya lang gibuwagan ug giingnan nga pangita na lang og lain. Mao to nga panahon gna nasulod ko sa iyang kinabuhi. Nahadlok ko basin mao ra sab ang iyang buhaton nako. Di baya lalim maghuna-huna unsay itubag sa akong mga kaila ug mga ginikanan nga mangutana kumusta na mi niya. Mamakak ra ko nga okay.

Bisan edaran na ko karon, ubay-ubay pa man sad ang mga lalake nga nagbirigbirig nako nga usahay makahunahuna ko nga patulan. Ambot ba. Palihug tambagi ko unsa man gyuy buhaton nako. Angay pa ba ko maghulat kaniya ug magsalig sa tugontugon sa iyang ginikanan? Normal kaha ni?
 
JONALIS

Jonalis,

Maayong adlaw kanimo ug sa tanang magbabasa. Problema sa gugma na sab no? Well, ingon ani man ning life, Day. If I were you, leave a message niya sa internet, cellphone o suwat ba nga ipabasa nimo sa iyang mga ginikanan kon manawag man pag-usab. Lakip ang yangungu nimo kay tinuod dili lalim ang maghulat nga hanging, walay klaro og unsa ba.

Kon mangutanaa ka nako if normal ba, I think dili man sad kay sa almost duha ka tuig, nakahimo gani siya pagtawag sa iyang parents, kanimo pa kaha nga hinigugma niya nga ubanay pa gani di man gani ta makatulog di kadungog sa atong hinigugma if di ta katawag sulod sa pila ka mga adlaw.

Ayaw lang pagpakawala sa paglaom. Basin gyud tuod bug-at ang rason. At the same time, you pray nga somehow lamdagan ka sa kahitas-an nga lig-unon pa niya ang imong kasingkasing to face the trial or whatever nga outcome sa inyong relasyon. Sa iyang pagka seaman siya ra gyud ang nagdala sa timunil sa lansa sa inyong relasyon. Pagka amards no? Ako ra ikasulti nimo, after all the trials nga ma-save nimo ang imong relasyon, if dili gyud ma workout , well, be brave to accept it. Daghang salamat.

PAPA JOE

(Sa inyong tampo ipadala lang sa papajoesuperb@gmail.com)

style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph