UNOM ang nasikop human nakuhaan og peke nga kwarta ug bulawan niadtong niaging adlaw sa Zone 1, Upper Balulang, siyudad sa Cagayan de Oro.
Ang mga suspetsado nailang sila si Marcelino Bertillo; Rodrigo Bertillo, 53; Mario Alibio, 58; Jean Ramos, 45; ug si Emma Camasin, 52.
Gikan sa impormasiyon sa kapulisan, giingong una nga nagpakitabang ang tag-iya sa sakyanan nga si Rutche Fullo, 37, nga taga Bloomingdale Subdivision, Iponan, ning dakbayan, human wala na mahibalik ang girentahan nga van sa mga suspek.
Ug wala motuman sa sabot ang mga suspetsado kinsa mirenta sa Grandia Van nga nagdala sa plaka nga KFJ-523.
Nasabotan sa biktima ug sa mga suspetsado nga rentahan ang sakyanan sulod lamang sa tulo ka adlaw ug ibiyahe lamang kini sulod lang usab ning dakbayan sa Cagayan de Oro apan nakurat kini sa dihang nakita sa impormante nga naabot kini sa dakbayan sa Davao.
“Nagduda gayud siya og samot kay ang agreement is within the city ra gamiton, but informant told her na naa daw iyang van sa Davao City, pahayag ni Abellanosa sa interbyu sa Sun.Star Cagayan de Oro.
Gidugang pa niini nga mibutyag pa ang mga suspetsado nga gitawag niini ang ilang mga kaugalingon nga mga “treasure hunters”.
“Magsuroy daw kuno sila sa mga lugar, mangita og gold ug ipamaligya. But we saw images of the gold bars sa ilang phones, those were fake," dugang pa niini.
Nanawagan usab ang kapulisan nga kung kinsa man ang mga nabiktima pa sa mga suspetsado nga gusto mopasaka og kaso nga swindling ug estafa modangop sa buhatan sa pulis aron nga matan-aw ang mga suspetsado sa mga peke nga mga bulawan ug kwarta.
Gidugang pa nga napasakaan na ang mga suspetsado sa kasong carnapping, position of counterfeit things, ug illegal position of bladed weapons.
Nakuha gikan sa posisyon sa mga suspetsado ang 45 ka mga peke nga P500 papel ug hunting knife sa posisyon ni Marcelino.
Sa pagsulat niini nga balita ang mga suspetsado ang nagtingkagol na prisohan.