FULL-FORCE ugmang, Biyernes, Dec. 4 ang mga Cebuano talent sa M. Talent Events ang Promotions alang sa dakong kalingawan nga ipahigayon sa isla sa Camotes sa Tudela Civic Center, alas siyete sa gabii.
Silang Anna Fegi, Mr. Pastillas Richard Parojinog, Topher, Closet Dolls, The Power Trio ug ang bag-ong discovery ni Vehnee Saturno nga si Stephanie ang maghupong alang sa dakong concert-party.
Samtang sa ugma, Dec. 5 naa si Mr. Pastillas, PowerTrio ug Stephanie sa Minglanilla isip guest performers sa bag-ong gibuksan nga Windows of Heaven mall.
Apan ang gikahinaman sa tanan ang “Handog Pasalamat Free Concert” ni Stephanie sa Waterfront Cebu City Hotel Garden Lagoon, diin lakip sa iyang guests si Mr. Pastillas, Topher, Closet Dolls, PowerTrio ug MBoyz.
Ang Handog Pasalamat gituyo og himo isip pasalamat ni Stephanie ngadto sa iyang fans ug media friends nga nisuporta sa iyang album launching sa miaging buwan aron magmalampuson.
Usa unta sa mga guest ni Stephanie sa Handog Pasalamat si Pastillas Girl Angelica Yap apan tungod sa krisis nga giatubang karon ni Angelica kanselado una ang iyang partisipasyon.
Padayon ang hudyaka sa Dec. 11 atol sa Toledo Power Plant Christmas party featuring MBoyz ug PowerTrio ug sa Dec 12 silang Mr. Pastillas, MBoyz ug PowerTrio sa Christmas party sa Taiyo Yuden nga ipahigayon sa Hoopsdome 8 p.m.
Gikan Hoopsdome, diretso sila sa concert sa Guadalupe uban sa Closet Dolls.